Ralhrang Rual Motor Lam Zul Mi Bomb In An Phomh Hna Ralhrang Tawr An Thi

Myinchain Ah SAC Ralkap 60 Nih Zulhmi Leilawng Bomb Puahhnawh An Tong, 8 An Thi

Mandalay ramṭhen, Myinchain peng ah rallam sialtu SAC ralkap 60 nih zulhmi leilawng cu bomb puahhnawh in kahdoh an ton caah SAC ralkap 8 an thi, leilawng pathum a rawk tiah Nagani pahkahphah-Myinchain in ṭuanvo ngeitu pakhat nih a chim.

February ni 25, chunhnu suimilam 1:40PM ah Myinchain peng Nabuai(နဘူးအိုင်) khua ah minung 60 nih zulhmi leilawng le cycle 11 cu Nagani pahkahphah-Myinchain nih padeta bomb lung 15 hmang in an doh hna, leilawng 3 a rawk tiah theih a si.

Bomb puahhnawh in doh a tongmi SAC ralkap chungtel 60 chung ah minung 8 an thi, hliamhma tuar an tam pin ah leilawng 3 hrawhpiak an tong tiah theih a si.
Khit Thit Media

Relchap>>>>>Italy Tiva Ah Hartongmi Hna Nih An Zulhmi Tilawng Aa Leh Caah 60 Hrawng An Nunnak Liam

Southern Italy tiva ah harnak tongmi hna nih an zulhmi tilawng cu ti chung a pil caah ngakchia 12 telh in minung 59 nak tlawm lo an nunnak a liam i minung tampi an tlau tiah Italy ram nawlngeitu hna nih an chim.

February ni 26 ah tiva kam lei hoih in kal aa timmi tilawng cu ti chung ah a pil, tilawng chung a cuangmi hartong hna cu Afghanistan, Pakistan, Somalia le Iran rammi hna an i tel tiah ṭuanvo ngeitu hna nih cun an chim.
Tilawng aa leh caah minung 30 leng an tlau rih tiah cu thil a cannak hmunhma ah a kal mi Italian Minister of The Interior nih a chim.

Tilawng aa leh hnu tiva kam lei ah tilio in a chuakmi hna telh in minung 80 an nunnak kan chanh khawh hna, cu tilawng cu a luancia ni tlawmpal ah Turkey in a rak i thawhmi tilawng a si.
Harnak a tongmi hna an nunnak a liamnak kong ah kan lung a ṭha lo tiah European Commission President Ussula Van Der Leyen nih a chim.
Voice of Myanmar