Ralhrang Rual Le CDF Mindat Kahdohnak A Chuak Than

Mindat Ah SAC Le CDF Mindat Kar Kahdohnak A Chuak
==================
Chin ramkulh,Mindat pengchung ah SAC le CDF Mindat kar ah nihin January -8,2023 chun in kahdohnak fak a chuak i kaphnih a thi mi le ai hliammi an um tiah theih a si .

Mindat hrambunh SAC khah-lah-yah (274) le Pyusawhtee hna nih Mindat-Matupi lampi zawh in ralser i tim in january 6 nikhan an i thawh i,an umkal pah ah daithlang in meithal an kahchukcho pah len ko nak theih a si.
Mindat peng chung ah Jan-7,2023 ni thawk in MPT phone line hna cu ai rawk tiah theih chih a si.
Photo – CDF Mindat ralkap an si

Relchap>>>>Kawkaride Kahdohnak Ni-12 Chung Ah SAC (48) An Thi An Hriamthil Fim Chih A Si
=================
January -8
Karin ram Kawkaride peng KNU B-6 hmunram Asian lampi i ni -12 chung tukdohnak a um mi ah SAC ralhrang (48) an thi i anhriamthil fimtawl chih a si nak Cobra phu nih an thanh.

Dec-19 in Dec-31 ni tiang tukdohnak chung ah SAC ralbawi (2)relchih in (48) an thi i ankuttang ralkap (61) hliam an sileng ah an hriamthil fimtawl chih a si nak le SAC lei in khah-lah-yah 231-230-97 / miakpi tat 547 / tat-mah (44) kuttang um khah-mah-yah 9 / khah-lah-yah 104 / tat-mah (11) zuhchap thazaang hna nih Asia lapi le Kawhnuai khua lei ah thazaang tamngai he rilonh in ralser an i timh caah tukdohnak a chuah hi a si tiah theih a si.

Mizapi ralkap lei in KNLA B 18 – 27 / Cobra ralthluan / Dawnah ralthluan / Keirang ralthluan / Dragon rang ralthluan / Federal Wings drone phu hna nih an dirhnawh hna hi a si. Cobra ralthluan chung tel (10) hliamtuar in (1) a nunnak a liam i,Dawnah ralthluan in (4) le Dragon rang ralthluan in (3) nih hliam an tuar tiah theih a si.

Kahdohnak chung in SAC hriamthil MA3 zun(2)/ MA2 – sehhme (1)/kyanbawm (12) / 40 MM kuan lung-29 / kelamh mine lung -2/ kutcheh bomb. lung-6 / RPG kuan lung -2 / zenthong -3 / 60MM kyan lung-1/ 7.62 kuan 565 / kuankhannak lukhuh -6 hna cu cobra phu nih an fimtawl tiah theih a si.
KNLA B-18 zong nih MA3 zun -1 an fim ve i SAC ta thirphaw in kham mi motor (2) an hrawhkhawh i,SAC hna nih Kawnuai khua mipi inn (18) mei in an khangh i,khuachung um inn dihlak ti awk airawk leng ah inn zuat satiil zong an thi dih tiah theih a si.

Be the first to comment

Leave a Reply

Your email address will not be published.


*