Ralhrang Rual Chinram An Phan Caah Kohdohnak A Zual Hma Kho Cang

Ralhrang Rual Chinram An Phan Caah Kohdohnak A Zual Hma Kho Cang

Kalay In Chin Ram SAC Ralhrang An Lut Caah Kahdohnak A Chuak Kho (PDF-Zoland)
=====
Sagaing ramṭhen, Kalaymyo in Chin ramkulh, Taingen, Tedim lam lei ah SAC ralhrang pawl rallam sial in an lut caah zeitik caan paoh kahdohnak a chuak kho. Cucaah tualchung mipi ramleng chuaklo ding in PDF-Zoland nih ralrin peknak thanhca an chuah.

“Suh-Khin-Ta in an ke in an rakkai caah a bik in khualtlawng motor hna le mipi nih kan i rialrin thiam ah a ṭha, 2022 kum, furpi in Chin ramkulh ah SAC ralhrang an rakkai hi a hnu bik a si. Cu hnu in a tu a voi khatnak an rakkai ṭhan a si” tiah PDF-Zoland in ṭuanvo ngeitu pakhat nih a chim.

PDF-Zoland hi Chin ramkulh Tedim peng ah a cawlcang mi mipi hriamtlai phu an si, tiah kan theih.
#Lungmili Post
#People’s Spring

Relchap<<>>>>>Maungdaw Ah Ramri Hngaktu Ralhrang 4 An Zaam Caah An Kawl Hna
=====
Rakhine ramkulh, Maungdaw (မောင်တော) chaklei Nah-Khah-Khah (9) ralhrang chung in ralhrang 4 cu Vaute[March] 6, zing in an zaam caah thazaang an neihchun chuah in an kawl hna tiah, sakhan he aa neihniam mi mipi nih an chim.

Ramri hngaktu ralhrang pawl hi a zaammi a tamtuk cang i, hriamthil he zaammi an um bantukin hriamthil aa ken lo mi zong an um ve, tiah theih a si.

Azaam mi ralhrang hna nih hriamthil an i ken le ken lo theihfiang an si rih lo. Atu bantukin 2022 kum lio ah Maungdaw nitlak lei ah thilphur tu an tlaih hna i, ralhrang zaammi an um, tiah an langhter.
#Lungmili Post