Ralhrang Rual Buk A Hngak Mi Hna Cu KIA Nih An Phomh Hna, Ceilak An Thah Hna

WaingMaw peng SAC ralhrang le Lisu pyituhsit phu hna cu KIA nih an kah hna caah uico pawl a tlawmbik minung 10 leng an thi i Minmoe peng chungah SAC ralhrang ral lam ser an khah hna caah a tlawmbik minung 7 an thi tiah theih a si.

Kachin ramkulh Minmaw peng Woyince khuate i hngakbuk a tuah mi hna SAc ralhrang le Lisu Pithuhsit phu hna cu Jly 28 zingka ah KIA nih an kah hna caah SAc lei in minung 10 leng an thi tiah theih a si.Cun tampi nih hliamhma an tuar caah an hriamnam zong an zaam tak dih i kan lak piak khawh hna tiah KIA nih thanh fawn.

Wuyan khua ah hin Lisu pituhsit phu le SAC ralhrang Tat-mah 88 kuttang i fonh in hngakbuk an khuar. Nizan ah KIa tat-maha 5 battalion 3 nih an va luhhnawh hna i suimilam 2 tluk an kah hna tiah an langhter.

Cube bantuk in Sagaing ramthen Minmoe peng chungah SAC ralhrang rallam sial pawl cu mipi ralkap phu nih lampi in an kah ve hna caah ralhrang uico 7 an thi i a tlawmbik minung 18 nih hliamhma an tuar tiah Minchan pengkomh battalion 7 Zero Huarilla phu nih an thanh ve.

Mah SAC ralhrang rallam sial pawl cu Minchan Zero Guarilla phu le Zero Power hna nih an kah mi hna a si. Ref-Khitthit

Relchap>>>>>Ka Sia A Herh ngai caah hihi ka raktial mi a si. a thei thiam lomi kan tampi caah mipi nih theih awk ah a herh rua tiah ka ruah i ka rak tial nak a si.

Naite ah khan kan unau CDF commander pa nih a chim mi cu a mak ka ti ngaingai. CDF le CNA an bawi pawl an kong a chim i khuaruahhar ngaigai khi a si. Raltuknak hmun ah hin CDF ralbawi pawl cu hmaisuang kan si i kan nau le hi kan hnu lei ah kan chiah hna tiah a chim.

CNA ralbawi pawl cu Beuha an suai piak hna i an ralkap hna hmai ah an chiah hna, CDF hruaitu pawl cu an nau le caah an temtuar taktak khi a si. Zei thei lo in CDF hruaitu pawl cu an rum dih tiah lih lelih in catial hmang mi kan tam ngai an kong lam tha tein hngalh lo ahcun a chim hmanh chim ngam ding a si lo.

Kan hnu lei i Laikua an i kah zongah Miruak lak ding i a kal mi pawl hi CDF Commander pawl le an nau le nih ruak an va kawl hna i ruak an lak lio ah hin ralhrang nih an kah cuahmah hna nain an hruaitu hna nih zaam lo ding an ti caah a hnu ah tha tein ruak pawl an lak khawh.

CDF hna a thangchiattu pawl nih hin an sin i va kal i vazoh ahcun zaang an fak taktak dah kaw. Khua an kal i an poket money hmanh khi anmah phaisa dahkaw an hman cu , Cucu hngalh loin CDF pawl an hruaitu firpuh le din lonak lawng chim hi ngol cang hna usih. Ram caah nunnak pek in ral a tu mi hna kan unau hna hi zaangfak tuk dahkaw an si cu. Crd..Pa Bawi Mh

Be the first to comment

Leave a Reply

Your email address will not be published.


*