Ralhrang Rual An I Cit Mi Motor Bomb In An Puah Hnawh Hna, Ralhrang Ceilak An Thi

๐Œ๐จ๐ง๐ฒ๐ฐ๐š-๐‚๐ก๐š๐ฎ๐ง๐  ๐Ž๐จ ๐ฅ๐š๐ฆ ๐ฉ๐ข ๐œ๐ฎ๐ง๐  ๐š๐ก ๐’๐€๐‚ ๐ซ๐š๐ฅ ๐ก๐ซ๐š๐ง๐  ๐ฉ๐š๐ฐ๐ฅ ๐ข๐ข ๐œ๐ข๐ญ ๐ฆ๐ข ๐ฆ๐š๐ฐ๐ญ๐š๐ฐ(๐Ÿ) ๐œ๐ฎ ๐›๐จ๐ฆ ๐ฉ๐ฎ๐š๐ก ๐ก๐ง๐š๐ฐ๐ก ๐š๐ง ๐ญ๐š๐ฐ๐ง๐  ๐ข๐ข ๐ฆ๐ข๐ง๐ฎ๐ง๐  (๐Ÿ”) ๐ก๐ฅ๐ข๐š๐ฆ ๐š๐ง ๐ฉ๐ฎ
++++++++++++++++++++
Monywa-Chaung Oo lampi cung ah SAC ral hrang pawl ii cit mi Mawtaw (1) cu tual chung mipi veng tu ralkap pawl nih an kah hna tiah theih asi.

November Ni (24) zinglei suimilam (9:50) hrawng ah Htaung-Puh (แ€แ€ฑแ€ฌแ€•แ€ฏ) khua in hliam apu mi Ral hrang minung (2) le pyosawhti minung (4) hna cu Alphard mawtaw arang zawng in an rak rat lio ah Monywa-Chuang Oo lampi cung ah tual chung mipi veng tu ralkap pawl nih bom an puah hnawh hna ii minung (6) hliam an pu tiah theih asi.

Hi ban tuk in bom apuah hnawh tu hna hi Brave Heart Army(BHA) phu hna an si ii mawtaw aa Body le athla lang akhenh caah ral hrnag minung (60 hliam an pu tiah theih asi.

Relchap>>>>>โ€œA Tu Lio Ka Dirhmun le Ka Ruah Ningโ€
Caแนญialtu hi mi tam nawn nih, โ€œZiah, na dai ko ee, na aw-aan kan thei lo ee;โ€ an ti pah lengmang. Tuan ahkhan a FB ah a ruahnak zeimawzet a rak แนญial cang. Zei ruang ah dah daite in a um, ti ahcun;

1. Dohthlennak tuah duhnak cu uknak แนญhalo thlen duh ah a si. Cu caah cun, dohthlennak kan tuah lai seh; ti ahcun a hmasabik ah mahlemah lungput kha i zoh hmasat, i chek hmasat i thlen a herhmi lungput vialte kha i thlen hmasat awk a si. A tu ah mahle Khrihfabu cio, mahle khua cio hmenh ah miduhdanh, mithleidan, mahlemah i แนญanh, i แนญanpi, mi i kuruk le mi i rawih tehna kan hman tuk rihmi hi phehthuh awk a แนญha lo. A nai bik ah kanmah pumpak cio, kan Khrihfabu cio te le kan pawngkam cio te khi แนญha tein i zoh cio hna hmenh u sih. Hi bantuk lungput a ngei mi nihcun zeitin dah dohthlennak cu kan tuah hnga. Hi ti ning hincun kan doh dingmi ral khi tei hna in va dih hmenh hna sehlaw uknak แนญha cu kan chuahpi kho hlei hnga maw? ti hi ruah lo awk a แนญha lo.

 

2. Pathian rian a แนญuan cuahmah liomi Pastor te nih hi bantuk rian hi anmah pumpak in an i hmaithlak awk hrimhrim a si lo. Annih cu thlianghlim tein an hnu tu in dirkamh le thlacam piak tu hi an แนญuan awk taktak cu a si. Tangka chawva le hriamnam kong hrimhrim hi cu i thlak lo in an hrial awk bak a si. Hi rian hi cu ramkhel rian a แนญuantu lawnglawng nih แนญuan awk a si. Pastor rian cu Mahle Khrihfabu cio ah a tlau cuahmahmi Biakinn a panh ti lomi hna tu hi kawl hna deuh, hlam hna deuh awk an si. A tu ahhin Laimi Biakinn a panh ti lomi kan tam tuk cang hna.

 

3. Amah pumpak nih va tlun in zei hmenh a tuah kho ding a si lo caah nun thap in rian a แนญuan dingmi hna kha a lang in forh le fial a duh lo. A lang i mi a forhmi hna cu miralแนญha an si bal lo. Ram dang in tangka zeimawzet te hei thawh i mi forh thiam cu ral แนญhat a si lo. Tei a duh taktak mi nihcun va tlun bak in mah bak nih va doh awk a si, cu ahcun thangแนญhat an si hnga. Ram dang ah rammi sinak a la cang i zungzal khua a sa cangmi nih ram chung i nun thap in ral a tu cuahmahmi a langtlang i forh lengmang cu thil แนญha ah a ruat lo. Mah nih tuah khawh lomi thil cu mi dang kha forh cu chim lo, a chim hmenh chim ngam ding a si lo.

4. Mahle khua le Pengletlang cio in CDF dir ciomi khi a pom lo. Mah nihkhin ral teinak taktak a chuahpi kho lai tiah a ruat lo. CNA ah i fonh dih hna sehlaw CNA khi a tu bantuk pengletlang cio nih CDF pawl an แนญanpi cio bantuk te khin แนญanpi cio hna sehlaw cu ahcun thil แนญha bik a chuahpi khawh lai; tiah a ruah. A ruang cu mahle khua cio le pengletlang cio i hriam an i tlaih ciomi khi hmailei caah แนญih a nung tuk. Kawl ral khi va dih hna hmenhsehlaw mahlemah an i kap แนญhan dih te kho. Hriam te hun i tlaih hnu, nawl ngeihnak te vun i ngeih hnu le thazaang hun แนญhawn hnu ahcun fawilebai ah hriam hi thlah duh a si ti lo. Midang kuttang um le nawl ngaih hrimhrim an duh ti lai lo, an Bawinak kha an thlah siang ti te lai lo. A tu an lung put bantuk hi a si te ti lai lo. Democracy hmuh hnu, thimnak tuah tik zong ah an แนญanhmi pa/nu a tlin khawhnak hnga caah an hriam le an nawl ngeihmi kha an hman te lai. Cu cu แนญih a nunnak cu a si. A tu hmenh ah bia tete theih pah lengmang a si cang hi mu.

5. Ral thawh cu tei ahcun a แนญha. Tei khawh แนญung lo ahcun sungh ah sungh aa phua chinchin nunnak, ngeihchiah chawva thazaang le zeilezong te sungh cikcek i harsatnak chimpit tiang ton chin lengmang khawh a si. Kan hmaika ah Karen le Kachin an um, an ram an vawlei an miphun an mino an fanule vialte mu. Zoh ah ngaihchia tuk dahkaw an si. Cu cu kan ton cuahmah lio ve cang.
6. A tu ah thlanglei Mindat, Kanpetlet le Paletwa lei hrimhrim khi AA nih an kan chuh khawh dihmi a si i mah hrimhrim khi a tu te in biatak te i tawlrel le kilven a hau. Thlahthlam awk an si lo. AA khi Lairal ngan bik ah aa chuak te khomi an si.

7. Cu caah cun, CNA thazaang a แนญhawn a herh, a pikpak i a ummi CDF vialte hi CNA ah i fon dih hna sehlaw cu lawng ahcun a thazaang a แนญhawng lai i rian pipa a tei kho lai. Cu tik ah Kawl zong nih, AA zong nih an แนญih lai, chaklei pawl zong a suam khawh dih hna lai i kan lairam pumpi caah rian a แนญuan kho lai, humhimnak a pe kho lai; tiah a ruah.
Cu caah cun, tu lio ahhin cun a ca ahhin daite i um hi a แนญha bik ko; tiah a ruah caah dai te i a um nak hi a si. Hi hi amah hmuhning le a dirhmun a hun langhtermi a si. Kaa lawm.
By Nguntual Thawng

Be the first to comment

Leave a Reply

Your email address will not be published.


*