Kalaymyo Vanlawng tualrawn ah ralhrang 200 leng vanlawng in an rak kuat hna tiah theih a si. Kalaymyo vanlawng tualrawn ah August 3 ni zan ah khan vanlawng vawi 3 tiang a tum i စကစတပ် 210 hrawng an rak chiah hna tiah theih a si.
Vanlawng hi zinglei suimilam 10 hrawng ah vawikhat, Chun suimilam 12 hrawngah vawikhat, Zanlei suimilam 3 hrawngah vawikhat a rak tum ti a si. Vanlawng pakhat ah hin ralhrang 70 hrawng an phurh tiah theih a si. (Zalen)
Relchap: Ralhrangbu Nih Cozah Tih In A Zaam Lio Mi Hma An Rak Kir Ahcun Kan Ngaihthiam Hna Lai Ralhrangbu nih kanmah cungah zumhnak a ngei mi,upadi chungah rak luhthan a duh nain a rak lut ngam lo mi le pehtlaihnak a thei lo mi hna an um si ahcun zeitik poah ah pehtlaih khawh a si.Taza kan cuai mi hna zong kan ngaihthiam hna lai tiah pehtlaihnak he a thanh.
Ralhrangbu nih a chim ningah ralhrangbu nih uknak a lak hnu February 1 in NLD chungtel, ralhrang phu ah thanh cang mi CRPH, NUG, CDM cawlcanghnak le ram remdaihnak a duh lo mi ramchung/ ramleng ah a um mi le bu hna nih an forh hna ruangah ramchung buainak le lamzawhnak ah a tel mi siangngakchia, mino, cozah riantuan tampi cu tlaihkhih tih in an zaam tiah theih a si.
Mah hna chungin cheukhat cu rak kir than an duh nain tlaih lai an phan ruang le pehtlaihnak an theih lo ruangah a rak lut ngamlo mi tampi an um tiah a ti. Atu lio ramchangah NUG, CRPH hna nih an forh hna ruangah lainawn, mifir, meikhangh, bomb puah, ralvengtu hna doh, mipi riantuantu hna kahdoh, cozah inn le pumpak inn hna hrawhnak tampi an tuah.
CDM cawlcanghnak ah phaisa in siseh, thil dangdang in siseh thuk piin cawlcanghnak a ngei mi si lem lo in thinphan ruangah a tli zaam lio mi cozah riantuan, mifim mithiam hna le ka dangdang minung hna cu upadi chungah an rak luh than an duh a si ahcun an cungah taza cuainak vialte kan ngaihthiam hna lai tiah ralhrangbu nih a ti.
A cungah langhter mi sualnak a ngei mi hna ti lo mah duhningin rak kir than a duh mi hna cu phone a si lo ah, mah le a naihnak palek sakhan, peng, ramthen ralhrangbu uknak tuanvo ngei tu hna sin ah zumhtlak tein pehtlaih khawh a si tiah ralhrangbu thawngthanhnak nih a chim.TCP
Leave a Reply