Ralhrang pawl Sianginn Ah Hmunhma A Khuarmi Pawl Bomb In An Puahhnawh Hna I, 2 An Thi

Tamu sianginn ah hmunkhuar mi ralhrang hna cu PDF nih bomb in puah hna i ralhrang 2 an thi,nihin khuachung ah i kahnak a chuak.

Sagaing ramthen,Tamu peng,Tamumyomah veng 12 Nanpalun sianglairun ah umhmun khuar mi ralhrang pawl cu August 22 zinglei suilmiam 4:45 hrawngah PDF(Tamy) nih bomb in an puah hna i ralhrang 2 an thi,cheukhat hliam an tuar tiah PDF Tamu nih an thanh.TCP

Relchap:Phakanh peng, Seihmu(ဆိပ္မူ) khuakomh, Kawngsan(ေကာင္စံ) khua pawng um ralhrang riahbuk pakhat cu nizaan, zaan suimilam 10:00 hrawngah KIA nih meikhangh in an hrawh tiah theih a si.

Ralhrang phu hna nih an kaltak mi palik riahbuk cu KIA nih meikhangh in an hrawh mi si tiah Phakanh khuami pakhat nih The 74 Media ah a chim.

“Ralhrang phu chungtel hna nih rampi a deih lo ruang ah an tih bu in Saitawng khua lei ah an i fonh,Cu hna cu KIA nih an kir than khawh lo nak ding caah riahbuk ning in meikhangh in an hrawh nak hi a si” tiah a chim chap.

KIA p nih meikhangh in an hrawh mi ralhrang phu riahbuk cu palik battalion 30 an si tiah a chim.

Phakanh peng sianginn hna le, phungki sianginn hna le, cheukhat khua ah ralhrang palik phu hna nih a hlan nak in hmuntam deuh ah umhmun an khuar tiah khuami hna nih an chim.

Phakanh peng ah August 20 ni zaan suimilam 8:00 hrawng in ralhrang phu hna nih phone operator dihlak internet le wifi line hna cu an phih piak hna.