Min Aung Hlaing Ralhrang nih an i timh taktak mi hi Camp Victoria CNA Sakhaan lak khi a si ko tiah a hung leng. July 20 hlan ah kan lak lai tiah Naypyidaw nih an thanh nain a tutiang an lak kho rih lo. Voi tampi cu an fuh cang nain an hlawh a cham .
Naypyitaw lei in CNA sakhaan cu kan lak lai tiah voihnih an thanh tiah theih a si. Mah kong ah hin keimah ruahnak ka tial mi a si lo. CDF chungtel pakhat nih a chim mi a si i, a min langhter a si lo.
Ralhrang pawl nih an target taktak hi Camp Victoria lak khi a si i,a rauh hlan ah an nam than lai tihi zumh cio mi a si ko. Nizaan tihni zong ah Ralhrang nih Upa cheukhat an auh mi hna minung 10 leng cu CNA Camp kan kah cang lai tiah an chimh hna tiah thawngpang a leng…..Cred….Pahmung Mh
Relchap: Mi Kut Rul Tlai: Mah nih tuah ngam lomi kha mi va forh in tuahter hna (or) mi rawl va fir ter hna i an fir khawh ahcun mah nih ei dih țung, cu i an fir lio ah an rak tlaih sual hna ahcun mifir asi tiah zapi hmai ah kutdong in va sawh ahmang fawn țung mi khi, Mi Kut Rul Tlai timi cu an si.
Ramleng Khrifabuu hruaitu dirhmun tlai kho si ruang ah maw, pumpak phaisa chuah kho deuh le thawh kho deuh si ruang ah maw, ramchung CDF alangpar in hei hruai hna, hei uk hna ai tim mi ‘Kawl fir ngian ngei’, ramleng Laimi cheukhat ruang ah CDF kan nau le an vaivuan ngai hi mu…’Mi kut rul tlai’ timi cu nanmah pawl hi nan si. Atulio hi hruaitu kan herh tuk lio caan asi, hruaitu i cuh caan asi lo. Ramchung/ramleng upa hna hruaitu si dih i tim hlah uh. Kan sunghnak asi lai timi alang ngai cang hih!
Hi dothlennak hi nunnak thaap in doh mi asi, minung pakhat cio nih an nunnak thaap i raldonak hi aman afaak bik mi asi. Mi kut rul tlai pawl hi Dalaan nak in țih an nung deuh timi theih caan a cu cang! Chin ralkap cu 50,000 hmanh si usih law hruaitu loin mah le siaremnak paoh ah kan kal cio ahcun hruaitu ngeimi ralkap 500 te nih fawi tein an kan hloh dih khawh ko lai.
Atulio Taliban khi an ruahnak le zumhnak (Ideology) cu 100% in ka pom hna lo nain tutan khuachung ral an thawh dan (Urban Operation Strategy) khi i cawn awk an tlak ngai nak atam pi. UNPF le NATO pawl nih hlanlio an rak hman tawn mi Rapid Reaction Force (RRF) kha alingtalet in Taliban tu nih an i hlawk pi ti ding tluk khi an si.
Leave a Reply