Ralhrang Pawl Khuachung An Lut Bak In Biakinn Le Phungki Cawng An Khangh Piak Hna

Sagain ramthen, Yay Oo myone, Chan Thar khua sungah ralhrang ralkap pawl cu mizan January ni 20 sun zanlam nazi 1:00 ah an lutih Phungki tlawnginn sung le Christian Pathian Biakinn pawl bauh siatin an lutih thil le ri pawl cawklet in an siatsuah ih hleiah mipi neihmi thilri pawl khal an ruksak thu tualsung mi pawl cun an sim.

Tualsung mi pakhat cun
“ zan hnu ah Chan Thar khua ih Bayin Gi Phungki tlawnginn sungah tanhmun an khuar ih Phungki tlawnginn sangkaa pawl cu on cia asi ko nan thlalang pawl an vua kuai / sangkaa pawl an vua balih asungih thilri zaten an cawklet theh / Pathian biakinn pi sung khalah thil le rithenkhat pawl an siatsuah thotho “ tin asim.

Ralhrang ralkap pawl cun khua sungih Christian မေသီလ tlawnginn khal cawklet in an siatsuah ih tlawnginn sungih thilri pawl khal an ruk tiah tualsung mi pawl cun an sim.

Chan Thar khua ih tualsung mipi pawl cu ralhrang pawl an ra luh canah ahlan khan in an rak relh ih khua sungah a ra tlung duak tu minung 2 khal an kai ih checknak an neih hnu ah an phone pawl an laksak tin tualsung mi pawl cun an sim.

Ralhrang pawl cun Ywa Mih Thah khua khalah mipi pawl ih bike 3 khal meisa thawn urkang in an siatsuah sak bet tiah theih asi.

Be the first to comment

Leave a Reply

Your email address will not be published.


*