August 9 zaan ttim hnuah Mandalay ramthen, Singgu myone ah Palek sakhaan 3 le Sipin zungah voikhat te bak ah bomb a puak tiah theih a si. Mah bomb a puak nak hi Shewpyi palek sakhaan le Letpanhla palek sakhaan le Nweyon palek sakhaan le Singu khuachung Sipin zung hna ah an si.
Bomb thangpi i a puah hnu ah Nweyon palek sakhaan cu an buai tuk i caan tlawmpal ah mizaw phur motor a ra colh tiah a kiangkap um khuami sin in kan theih. Hmun dang bomb an puah nak zongah ralhrang pawl an phan dih colh tiah khuami nih an chim.
A tu hrawng cu hmunkip tiawk in bomb a puak mi theih khawh a si, zahan bomb a puah nak kong he pehlai in a ho te phu nih dah mah bomb hi an puah mi a si tiah fiangtein hngalh a si lo. MTM
Relchap: Kalaymyo Thoh-Cianh khua ah minung 2 ralhrang nih an tlaih hna Sagaing ramthen,Kalay peng Thoh-Cianh khua nupa pahnih hna cu ralhrang nih, nihin August 10 chunhnu suimilam 2:00 pm hrawng ah an tlaih hna,tiah khuami hna nih an chim.
Thoh-Cianh khua chung ah hriamnam kan rak kawl tiin Mg Phyo min hal in an kawl, an hmuh lo caah a nupi nu le pa cu an tlaih hna i an kalpi hna tiah chungkhar he a neih mi khuami pakhat sin in theih a si.
Kan khua chungah ralhrang mawtaw 3 le palek mawtaw 1 an rak lut.An rak kawl mi hi a min ning in an rak kawl i amah inn ah hin hriamnam a um.Mg Phyo a um maw tiin an rak kawl.An kawl mi pa a um lo caah Mg Phyo a nupi nu le pa cu an tlaih hna.
Kalaymyo peng Thoh-Cianh khua Mg Phyo arak kawl mi ralhrang hi minung 30 hrawng an si i, Inn- tawng -suh cazin tiang an zoh tiah theih a si.Kalaymyo peng chung ah tulio ralhrang thazaang 200 hrawng an chiah chap tiah Kalaymyo peng mipi vengtu phu hna sin in theih asi. TCP
Leave a Reply