Magway ramthen,Minbu (မင်းဘူး)peng, pengkomh palik sakhan cu mipi vengtu phu hna nih nizaan ah luhhnawh in an doh hna caah kaphnih kar kahdohnak a chuak, palik cheukhat hliam an tuar tiah mipi vengtu phu hna nih an langhter.
Minbu(မင်းဘူး) mipi vengtu phu in thawngzamhnak nawlngei tu pakhat nih “zaan ah sakhan cu bomb pahnih in kan cheh, pakhat a puak. Bomb cu kut ser mi bomb a si lo, bomb cu a puah caah sakhan chung in meithal an puah chih.
Kanmah zong hmunhma kan lak nak hmun in kan kah ve hna cun hnu kan tolh.Kanmah lei in hliamtuar mi an um lo.Palik sakhan he neihniam mi hna chim nak ahcun anmah lei ah hliam tuar mi an um ” tiah theih a si.
Minbu (မင်းဘူး) khua chungah ralhrang phu hna nih, atulio ah minung thazaang chap in mipi hna sin ah phaisa hal in le checkhlatnak cu tu le tu ah tuah caah Minbu khuachung no.4 sang pengkomh palik sakhan cu luhhnawh in kah a si tiah thawngchim nak nawl ngei tu pakhat nih achim.
Nihin zinglei ah Minbu khua High school no.2 sianginn hmunhma chungah ralhrang phu hna nih ralhrang motor fa mi pahnih ,inn hman mi motor 4 he ra in umhmun an khuar an tim tiah theih a si.
Minbu mipi vengtu phu hna le ralhrang phu kar ah kahdohnak a fak kho mi a si caah, mipi hna zong nih a herhmi timhtuah nak ngeih cia ding in ralrin nak an langhter.#Mizzima; TCP
Leave a Reply