Ralhrang Nih Zuat Mi Meheh 50 Leng An Tlaih Hna Ee

Ralhrang Nih Zuat Mi Meheh 50 Leng An Tlaih Hna Ee

Gangaw Peng Ah SAC Ralkap Nih Zuatmi Meheh 50 Leng Pah Kah Phah Nih An Chuh Hna

Magway ramṭhen, Gangaw peng Taungkhayan palik sakhan ah zuatmi meheh 50 leng cu Pah Kah Phah Spring, Companny 7 nih March ni 1 ah an tlaih, tiah theih a si.

Cu meheh 50 leng cu Gangaw pengkomh Battalion 1 lei ah zuatkhalh ding in an pek(hlut) hna, tiah theih a si.

Meheh 50 leng tlaih khawhnak ding ah Pah Kah Phah Spring phu in ralkap 4 cu Gangaw pengkomh Battalion 1 nih, pakhat ah kyats sing 120,000 cio in lawmman laksawng an pek hna, tiah theih a si.

Relchap>>>>>Ralhrang Nih PDF Bantuk I Umter In Khualtlawng Aa Chok Mi Tangka An Hal Hna
=======
2023|Vaute 4| Sagaing ramthen, Indaw peng Na-rah-kong Gate pakhat ah ralhrang hna cu tualchung PDF bantuk in i umter in khualtlawng le motor/cycle aa chok mi tangka an kholh hna tiah khuami hna nih an chim.

Aluan cia Febuary thla dih thok in ralhrang thazaang minung 50 tluk hna nih lamkam ah Check gate chiah in khualtlawng le mizapi cycle le motor in aa chok mi cu check felnak an tuah hna hnu ah motor pakhat ks.5,000 in an hal hna tiah Indaw Revolution-IR tuanvo ngeitu pakhat nih a chim.

“Ralhrang hna nih kan mah PDF Uniform bantuk an i hruk eih bu in tangka an hal hna hi a si. Mandalay, Myikyina lei tibantuk in a ra mi motor/cycle hna cu tangka an hal hna hi ni 5 tluk a si cang.’tiah a cunglei upa nih a chim.

Lamkam Gate an tuahnak hnulei ah ralhrang hna nih tha ngai in an mah humhim nak caah khur zong an i cawh tiah kan theih. (ref:Myaellatt Athan)