Ralhrang Nih Voikhat Thah Bak I Muning 100 A Kan Thah Ko Hi Cu Ngaih A Chia Ko, NUG Cozah Nih An Duh Lonak An Langhter Cang

Ralhrang Nih Voikhat Thah Bak I Muning 100 A Kan Thah Ko Hi Cu Ngaih A Chia Ko, NUG Cozah Nih An Duh Lonak An Langhter Cang

Kanbalu Peng Tualchung Mipi 100 Leng An Nunnak A Liamnak Kong Ah NUG Nih Cathanh Chuah

Sagaing ramṭhen, Kanbalu peng Pazikyi khua cu SAC ralkap nih vanlawng in kahdohnak a tuah caah sualnak ngei lo tualchung mipi 100 leng an nunnak kong ah SAC ralkap nih sualnak fak tuk an tuah a si caah hi vawleicung ah hmuh ti lo ding in hnon an si lai tiah NUG runvennak vuanci zung nih cathanh a chuah.

Sagaing ramṭhen, Kanbalu peng Pazikyi khua cu SAC ralkap nih 2023, April ni 11, zinglei ah vanlei kahdohnak a tuah caah ngakchia, naupawi lio nu hna telh chih in sualnak ngei lo tualchung mipi tampi an nunnak a liam. Nunnak liam mi, hliamhma tuar mi hna le chungkhat rualchan nan ngaihchiatnak vialte kan in tuarpi hna tiah NUG nih a thanhmi ah a langhter.

Hramhram uknak a latu SAC ralkap nih tualchung mipi le hriamtlai phu hna thleidannak um loin thazaang a hleihluat tuk hmang in kahdohnak a tuahmi cu sualnak fakpi a tuah ṭhan a si, SAC nih a thil tuahmi vialte cu minung ruahnak lungput keng lo in sualnak thukpi a tuah a si tiah a langhter.

Myanmar ramchung ah SAC ralkap uknak cu Myanmar ram vawlei in kan hnon khawh lawng ah rampi le mizapi cung ah daihnak a um kho ding a si tiin SAC ralkap nih nihin a tuahsernak ah a langhter.

Nunnak liammi hna nih an pekmi an nunnak a lak kan si ter lai lo, SAC ralkap uknak a hram a cah khawhn nakding ah fak chin in thazaang kan chuah chin lai tiah NUG runvennak vuanci zung nih April ni 11, ah cathanh a chuah.Crd.. TCP