Ralhrang Nih Thong An Thlak Mi Hna Minung 2 An Zaam Caah An Thah Hna

Ralhrang Nih Thong An Thlak Mi Hna Minung 2 An Zaam Caah An Thah Hna

SAC Ralhrang Nih Yamethin Thongtla A Zaam Mi Pahnih An Thah Hna
=========
Vaute[March] 3 ah Mandalay ramṭhen Yamethin khua thonginn ah thlakmi, minung 9 cu an zaam i, anlak ah pahnih cu SAC ralhrang nih an tlaih ṭhan hna hnuah an thah hna tiah theih asi.

SAC ralhrang nih Yamethin thonginn ah an thlakmi hna 9 hi Nay Pyi Taw thonginn ah ṭhial an timh lio hna ah a thli tein an zaam tiah theih asi.
Minung 5 hna cu an tlaih khawh ṭhan cang hna adang 2 hna hi tutiangin kawl ansi rih.
#Lungmili Post
#Chindwin News Agency

Relchap>>>>>SAC Nih Tuluk He I Bawm In Rakhine Ram Peng Pathum Ah Thli In Electric Mei Kan Van Lai Tiah An Thanh
============
SAC nih Tuluk he i bawm in Rakhine ramkulh, Thantwey, Kua le An peng ah a voikhatnak thli in electric serchuahnak project kan tuah lai, tiah an langhter.

SAC kuttang Department of Electric Power Planning le Primus Advanced Technologies Limited၊ Asia Ecoenergy Development Limited၊ Yunnan Machinery and Equipment Import and Export Co,Ltd hna cu March 1 ah Naypyidaw ah meeting an ngei i atu bantukin biachahnak an tuah hi a si, tiah SAC kuttang thawngzamhca Myanmar Alin nih an langhter.

Thli in electric sernak project cu An peng ah 150 MW, Thantwey peng ah 110 MW, Kua peng ah 100 MW in kan serchuah lai, tiah SAC kuttang phung lut loin riantlaitu ramkomh Minister Thaung Han nih a chim.

Hi project kan tuah ruang ah zei hi dah a rawk lai i, zei hi dah a hnursuan lai ti cu fianghlang tein kan hngal ve lo. Germany ram hna ahcun an hlawh a tling ngaingai. Rakhine ram zong ah hlawhtlinnak kan hmuh khawh ahcun a ṭha tuk hnga, tiah Kyaukphyu peng in ramkulh Hluttaw palai hlun Phe Than nih a chim.

Thli in Electric serchuahnak project meeting ah SAC kuttang ramkomh Minister Thaung Phe, Deputy Minister Aye Kyaw le Tuluk Ambassador H.E. Mr. Chen Hai hruaimi phu in ṭuanvo ngeitu an kai, tiah theih a si.

“Kan ram ah Electric mei hi caan tling in a ra lo. Rawl chuannak le rianṭuannak zong ah a tlak lo. Thli in electric meivannak project kan serchuah lai an timi hi kanmah ca ah cun thil ṭha tuk a si ko,” tiah tualchung mi pakhat nih a chim.