Ralhrang Nih Thlachiat Ruahnak Nei Lo Bak In Khuachung Hriamngan In An Kah Hna

Tatun Peng,TuboLay Khua Cu SAC Ralkap Nih Hriamnam Ngan In An Kah Hna.

===================================================

Mon Ramkulh,Tatun Peng um Tubolay khua cu SAC Ralkap nih hriamnam ngam in a ruang um lo in an kah hna ii inn 6 a hrawk tiah theih a si .

November 11 in zanlei sml 8:42 ah SAC Ralkap Kah – Mah – Yah No. 9 ( Waiyaw) sakhaan nih Tubolay khua cu a ruang um lo hriamngan lung 8 in an kah hna ii inn 6 a ken ii a hrawh tiah theih asi..


SAC Ralkap nih hriamnam ngan in a ruang um lo in an kah ruang ah Tobulay khua in Daw PawSee,U PanSen,U PaBee,NawDoh,U Kye Zaw,Saw Teh Buu an inn pawl an hrawh leng ah thin kung pawl zong a hrawh dih tiah theih asi.

Tubolay khua cu SAC Ralkap nih aluan cia June 25 ah mei an duah ii umnak inn 61 a ciam dih ii puangki sianginn le cacawn nak sianginn zong a kangh.Cun khuami 3 zong an thah hna.SAC Ralkap nih inn an kangh ruang ah Tubolay khua um khuami pawl cu um chung nak thlaam an sak i an um .SAC Ralkap nih a tu hriamnam ngam in a ruang um lo in an kah than hna tiah KNU nih an thanh.(Crd.Khit Thit Media )

Relchap>>>>>>Wetlet,Htangyi Khua Cu SAC Ralkap Nih An Khua Ningin Mei An Khangh,Khuami 4 Zong Mei An Khangh Hna

Sagaing ramthen,Wetlet peng,Htangyi khua cu SAC ralkap nih an khua ning in an khangh i khuami 4 cu mei khangh in an thah hna tiah Wetlet Informational Network phu i tuanvo ngeitu pakhat nih a chim.

November 13 zinglei ah Htangyi station ah a um mi SAC nih khuami 4 cu an tlaih,an hrem hna i Htangyi station hnu lei ah um mi inn pakhat ah an hren hna i mei an khangh hna.Cun Htangyi khua zong SAC nih an khangh i khua ningpi in a kang tiah theih a si.

“SAC ralkap nih an thah mi hna hi Paukkan khua i khuami 1 le Paukkan station i 3 an si.Paukkan khua hnu lei tlanglawng lam le mawtaw lam pawng ah a um mi an si.Zaan ah an thil pawl phoih in zaankhuadei an hrem hna i zinglei ah mei an khangh hna” tiah Wetlet Informational Network i tuanvo ngeitu pakhat niha chim.
SAC ralkap nih Htangyi khua zong an khangh i khuami inn 300 hrawng a kang tiah theih a si.(Crd.Khit Thit Media)

Relchap>>>>Mandalay Ramthen,Pyigyidagun Peng Ah Kyauukyaw Tiah An Ti Hna I Inndong 300 Hrawng SAC Ralkap Nih An Hrawh

Mandalay ramthen,Pyigyidagun peng,115/6,58,tlanglawng lam pawng le Myaung kam ah a um mi inndong 300 hrawng cu tuni ah kyauukyaw tiah an ti hna i SAC ralkap,palik le Municipality nih an hrawnh tiah theih a si.

“Tlanglawng lam pawng zong Myaung pawng sang pawl zong an hrawn dih.An hrawh mi hi inndong 300 hrawng a si.Tuni ah an rak hrawh i a hrawktu pawl zong meithel he an si” tiah khuami pakhat nih a chim.

November 9 ni zong ah Mandalay ramthen,Oebo le Thuye market stattion kar ah a um mi inn pawl cu Kyauukyaw tiah an ti hna i SAC ralkap nih chikkhat teah an hrawh ter hna ruang ah mipi 10,000 leng inn ngei loin an um tiah theih a si.(Crd.Khit Thit Media)

Be the first to comment

Leave a Reply

Your email address will not be published.


*