Kan hnu lei te i August 15, 2021 lio Mindat khuapi in meng 16 CDF-Mindat le SAC ralhrang pawl kahdohnak ah SAC ralkap nih pawngkam a um mi khuami inn pahnih cu an khanghpiak hna tiah theih a si.
Relchap: Mizoram ah vok pulrai African Swine Fever (ASF) ruangah vok a thi mi cu zor lei a panh rih lo ruangah ramdang le Kawlram leiin vok le voksa in ser mi eidin hna lak rih lo dingin khap a si.Nizaan August 17 tiangah ASF ruangah Mizoram ah vok a thi mi hi 23,330 a si i, ASF zawtnak a ngei mi 8976 cu thah a si.ASF hi Mizoram district 11 chungin khua le veng 230 ah hmuh a si i, ASF a si lai tiah zumh mi vok pulrai cu khua 103 a um cang tiah theih a si.
ASF pulrai karhnak ah Champhai district zong a tel ve ruangah Champhai district magistrate Pi Maria CT. Zuali nih Champhai district mipi hna kan him cio nak dingah Mizoram cozah nih nawl a chuah cang bantukin;Champhai district chungah Myanmar leiin vok, voksa le voksa in ser mi thil vialte luhpi lo ding le Champhai district chungah district dangin vok luhpi le district dangah phorh, district chung khua dangah phorh le zuar zong khap a si tiah nawl a chuah.
Champhai DC Pi Maria CT. Zuali nih Champhai district chungah covid-19 zawtnak cu karh lei a panh rih caah Myanmar leiin eidin lak ding he pehtlaihin District Disaster Management Authority (DDMMA) chungtel hna he ceih a si hnuah tulio zawtnak dirhmun zoh ah ramri tan in ei le din lak rih lo dingin hnatlaknak an ngei tiah theih a si.Ref; DIPR
Leave a Reply