Peyin peng Name khuate le Muzukung khuate karlak ah Min Aung Hlaing ralhrang pawl nih August 9 ,2021 chun lai cir ah Meheh rual cu Meithal le Bomb in an kah hna Mehah 30 leng an thah hna tiah a pawng kam um mi pawl nih an chim.
Min Aung hlaing ralhrang pawl nih cun Meheh an kah mi lawng cu i relh loin, Meheh cawngtu minung 5 zong an kah hna nain an zam manh caah an kheng hna lo ,mah a Meheh cawngtu cu an him hna tiah theih a si. Chin Knowledge media
Relchap: Ralhrangbu Hruaitu nih Covid Sii Ramchung Ah Kan Ser Lai An Ti Nihin August 9 ah Covid runvennak, zohkhenh le dohnak kong he pehtlaih in ralhrangbu hruaitu hna Naypyidaww, Bayitnaung yeiktha ah meeting an ngei.
Meetingah SAC chairman, vice chairman, SAC chungtel, vuanci le ralhrangbu ralbawi hna an kai.Ramthen le ramkulh vuancichoh le chungtel hna zong online muicuang in an kai ve tiah theih a si.
Meetingah biacah a chim tu Min Aung Hlaing nih covid runvennak sii a rak phan mi kong, sii an i chunhnak kong le an tawlrel ning kong a chim hnuah;Covid cu vawleicung ram vialte ah a karh lio mi pulrai a si caah a vennak sii, le a thlawpnak sii hna cu kan ramchungah chuah dingin an timhtuah lio a si tiah a chim.
Tu zanlei ah ralhrangbu nih Taluk ram in an cawk mi covid-19 runvennak sii nuai 1 cu Air China vanlawng ah a rak phan tiah theih a si.TCP
Leave a Reply