Ralhrang Nih KNU Umnak Sakhaan Cu Vanlawng In An Fuh

Karen ramkulh, Hpa-pon distric, KNU Bridage 5 hna an um nak khua pawngah nihin August 25, 2021 zing ah Min Aung Hlaing ralhrang pawl raltuknak vanlawng a chawk cuahmah tiah karen thawngzamhnak Salween Press nih an langhter.

Voidang tawn ah cun heli copter a ra tawn i a tucu vanlawng a si i bomb an thlak lai tihi phan a um ngai. asinain thawngpang kan theih a tuan ko caah a hlan kan in kan i ralring ko tiah khuami pakhat nih a chim.

KNU ralkap sakhaan cungah Ralhrang vanlawng a zelh caah KNU nih cun khuami an mipi zong ralrin nak an pek hna. Ralhrang nih KNU hi naihrawng hi an fuh lengmang hna caah kahnak hi a chuak lengmang.

KNU hriam tlai hna nih a tu hnu vanlawng in an kan fuh a si ahcun cung lei kan bawi le nawl pek nak zong hngah loin kan kah cang lai tiah ralhrang pawl cu ralrin an pek hna. ralhrang vanlawng hi KNU caah tih ding a um lo nain khuami hna caah thinpang tu a si.