Sagaing ram tthen Yin-ma-pin ah PDF nih Ralhrang bom an puak hnawh hna nak in (20) an thi. August 12 zanlei suimilam 2:00 pm ah Sagaing ramthen Yinmapin ah PDF nih bom an puanhnawh hna i, ralhrang (20) nunnak a liam.
Palay ah mipi thil an fir an hrawh piak dih hna hnu in an rak kirthan lio ah PDF nih lampi a bitnak hmun te ah bom (7) an chiah kanh hna i ralhrang mawtaw (2) ning in PDF bom chiah kan mi nih ralhrang mawtaw cu a khuai a den dih.
Relchap:Wa” hmunhma ah phungluut loin a luut i COVID-19 hmuh mi le cu he aa pehtlai mi thihdan pek timh; “Wa” (Mahte Khuakhan lairelnak Nawlngei mi) hmun ah phungluutlo a thlithup in a rak luut mi sin in COVID-19 zawtnak hmuh a si ahcun a dam tiang thlopbul hnu ah aa tlak ning in dantat si lai.
Hihi Cozah ramri lei in siseh, Tlangcung hriamtlai dang hmunhma zong in siseh, atulio COVID-19 boruak lio ah Wa hmun ah luh kan duh lo, tiah cathanh an chuah. Cun, Wa ah rak luut ding in a bawmtu hna cu kum 20 in kum 30 thongtlak an si lai i hi thil a tuah hramhramtu cu thih tiang thong asiloah thihdan pek an si lai.
Cun, Wa hmunhma ah riithaisii a phur i a zuartu cu biaceih zong a um lai lo. Thahcolh a si lai tiah cathanh an chuah tiin People Media nih a langhter.THT
Leave a Reply