Chinram Sagaing ramthen Peyin peng Ngiohlah khuate le Votgyi khuate ah ralhrang minung 100 hrawng khuachungah an lut i an thil le an ri pawl an duhpoh in an tuah pinah an motocycle tiangin an khangh piak dih hna.
Cun ralhrang pawl nihcun khuachung dawr pawl an baoh i dawr thil a tha mi poh cu an lak dih. Cun an khuachung nungak pawl minung 8 cu an rawl chumtu ah an i kalpi hna. Cun phungki cawngah a um mi minung pa 7 cu an tlaih chih hna . August 8 i motor cycle an khangh piak mi hna he cu an khangh mi he cun Motor cycle 33 an khangh piak cang hna. Chin Knowlrdge Media
Relchap:U Kyaw Moe Tun Thah Timhnak Kongah Ralhrang Lei Nih Lehnak An Tuah: UN ah Myanmar (NUG) palai a simi U Kyaw Moe Tun thah timhnak kongah ralhrangbu ramleng vuanci zung nih August 9, zaan 8:00 pm ah MRTV in lehnak an tuah. Lehnak an tuahmi cu “Hi kong hi US ramchung thil a si cash an ram phunglam (upadi) ningin biakhiah dantatnak an tuah ding a si ko. Myanmar he zeihmanh pehtlaihnak a ngei lo” ti hi a si.
Hihi U Kyaw Moe Tun thah timhnak kongah ralhrang lei nih lehnak an tuah a voikhatnak a si. Mi tampi nih cun hi kongah a thli in ralhrang an i tel/rawlh hrimhrim lai tiah an zumh. Curuangah atu abantuk “kanmah he pehtlainak a ngei lo” tiah an thanhnak hi a si.
Cu lawng si loin U Kyaw Moe Tun cu UN ah Myanmar palai sinak in phuah a si cang nak le rampi zuarthlai sualpuhnak in tazacuai a sinak zong an thanh chih fawn.
U Kyaw Moe Tun thah timhnak hi vawleicung hmunkip ah a ummi Myanmar ralhrangbu a dohtu hna thihphaihnak le hrocernak pakhat a si i US Cozah cu U Kyaw Moe Tun lei ah kan dir ko tiah UN ah US palai a simi Linda Thomas-Greenfield nih a thanh cang.
U Kyaw Moe Tun thah a timtu Myanmar mi pahnih Phyo Hein Htut le Ye Hein Zaw cu tlaih an si cang. Zeitikah dah an bia ceih a si lai ti cu cozah nawlngei hna nih thanhnak an ngei rih lo. RFA
Leave a Reply