Ralhrang nih innhngak cozah an thimmi kong ah NUG nih phungning lo a si tiah a langhter

Ralhrang nih nizan August 1 ah an thokthar mi innhngak cozah cu NUG nih phungning lo a si tiah a langhter nak cu nihin August 2 ah cathanh a chuah. Ralhrang phu nih innhngak cozah an dirhnak kong cu phungning chung ah a lut mi a si lo lengah, ramchung ummi mipi nawlngaihnak le nu hrin covo a dawnkhan kho tu a si tiah NUG minister of justice nih a langhter.

Ralhrang phu in innhngak cozah dingah ralhrang bawi Min Awng Hlaing cu prime minister reng an ti i, Min Awng Hlaing changtu reng ah Soe Win cu an pek.TCP

Relchap:Kawlram ah Covid zawtnak in nunnak liammi 60% hi July thla ah acang mi a si; Kawlram chungah Covid zawtnak hmunkip ah a karh lengah ralhrang nih hramhram in mipi cung ah an thil tuahnak kong ah mipi hna caah harnak an tong chin tiah ramkip in bawmhnak pe tu phu 16 nih an cathanh ah an langhter.

 

Covid zawtnak ruangah nunnak a liam mi hna 60% cu a luancia mi thla July thla ah a cang mi a si i, Covid positive mizaw hna zong a luancia thlahnih chung ah lethnih in a karhnak kong cu ramkip in bawmhnak pe tu phu hna nih an cathanh ah an langhter.

Cathanh an langhter mi chung ah ralhrang nih nawlngaih nak an lak nih thok in ngandamnak lei riantuan mi hramhram in an tlaihhna leng ah an hricer hna,Kachin ramkulh in Mandalay le Yangon khua tiang hmunkip ah sizung, sii khan an khar nak ruang ah siibawi 400 leng le nurse 180 leng tlaihnak nawl an chuah mi kong zong an langhter chih.

Minung nunnak an liam leng ah harnak tampi ton a si caah kawlram chung mipi hna caah ngandamnak lei zohkhenh nak ding le bawmhchanh a herhtuk nak kong cu Save The Children, World Vision, People In Need le Action Aid tel in ramkip in bawmh chanh nak a pe tu phu 16 nih ralrin nak ca an pek ho a si

Nihin ni tiang ah Covid zawtnak thaten check mi dihlak hi nuai3 sing 1 le thong 60 hi checkhlat an si i,cu chung ah zawtnak hmuh mi hi 3million leng an si, nunnak a liam mi hi thong 10 hrawng an si tiah langhter a si. Ngandamnak lei finthiam nak ngei mi nih an hlathlai ning ah Covid zawtnak hmuh mi le nunnak a liam mi hna hi ngandamnak lei nih an langhter mi nak in a tamdeuh lai tiah an chim. #VOA