Ralhrang Nih Inn An luhhnawh Hna I Ting 150 Man Sui Le Ngun Thilri An Fir

Min Aung Hlaing ralhrang pawl nih U Kyaw Oo cu tlaih dingin a inn ah an fuh i, tlaih an duh mi inn tek pa a um lo tiah theih a si. Asianin a um mi a chungkhar pawl cu an dihlak in meithal in an thihphaih hna i, ttungagah an bawh ter hna.

Mah ti an tuah hnu hna in an inn chung thilri pawl Sui le Ngun pawl cu fir dingin an kawl hna i an thilri cu an duhmi poh an lak piak hna. Ralhrang nih U Kyaw Oo te thilri an lak mi hi a dihlak ah ting 150 man a si tiah an chim.

Inn tek nu nihcun kan inn kulhnak chung ah an ral lut i inn chungah an ra tiah a chim. An kan bawk ter i an kan vuak. Ka fa cu a hnu lei ah a kut an khirh i, kan sui le ngun an lak hnu ah kan inn chung thilri cu an duhmi poah an lak i, a za tein ting 150 man a si tiah media sinah a chim.Vapual net