Ralhrang Nih Hngakchia Kum 4 Mi Le A Nu Cu An Tlaih Hna I Thong Ah An Thlak Hna Zarhhnih Leng A Si Cang

Hikong ruah ahcun thinlung nih a celh lo, Kalymyo peng khua pakhat ThohCian khua ah hringtu an pa U Thun Win cu ralhrang nih tlaih dingin an kawl i a zaam, a thup caah ralhrang cu an thin a hung i a nupi Daw Aye Aye Myint le a fanu kum 14 mi cu ralhrang nih an tlaih hna i an kalpi hna tiah theih a si. Kum tlinglo hi a ngaingai tiah cun tlaih i thongthlak phung zong a si lo, a tlaih hrimhrim hmanh kha tlaih phung a si lo tiah media tampi nih an chim. Cucu vuleipi phung zong a si lo caah media kip nih an soisel len.

Cu Lawng siloin Mukoh ah lamzawhnak i a tel mi ah, an pa cu lamzawh khawngsawng a si i, ralhrang nih a inn ah an va fuh i, an tlai kho lo caah a nupi le a fanu kum 4 mi hngakchia cu an tlaih hna i thongah an khumh hna tiah theih a si, hngakchia kum 4 zeihmanh a hngal lomi an tlaih i thong an thlak mi hi zaangfak tuk hrimhrim a si. Thong an thlak nak hna hi zarhhnih leng deuh a si cang tiah theih a si.

Hitluk i ralhrang tuahsernak a tha lomi kan tanh le kan dirpi peng ko rih a si ahcun an mah Ralhrang kut in kan thi lai lo tiah chim awk a tha hlei lo. Sagaing Ramthen zongah an mah USDP party upa pakhat meithal in an kah i a nunnak a liam tiah zalen nih a rak tar cang.Cre#