Ralhrang Nih Chinram Tuk Dingin Ralhrang Thazaang An Chap Cuahmah Cang Ee

Ralhrang Nih Chinram Tuk Dingin Ralhrang Thazaang An Chap Cuahmah Cang Ee

Kalaymyo In Chinram Lei Ah SAC Ralkap Leilawng 30 Leng An Kai

SAC ralkap leilawng 30 leng cu Kalaymyo in Chinram lei ah riahcaw i phurh pah in an kai tiah tualchung mi hna nih an chim.
Nihin March ni 9, zinglei suimilam 6:30AM hrawng ah SAC ralkap leilawng 30 leng cu Chin ramkulh, Tedim lei hoih in riahcaw le ralkap thazaang 70 in 100 kar hrawng he an kai tiah theih a si.

SAC ralkap hna cu thir-leilawng 2 le ke 12 nei leilawng 28 he Chinram lei ah an kai tiah Kalaymyo hrambunh Midea hna nih fehternak he an chim tiah theih a si.
Khit Thit Media

Relchap>>>>SAC Ralkap Nih Thla Khat Chung Ah Inn 700 Leng An Khangh, Tualchung Mi 3 Nunnak Liam

A luancia February thla chung ah SAC ralkap kut in sagaing ramṭhen, Kanbalu peng tualchung mi hna an umnak inn le dawrkhan tiin inn 700 leng an khangh pin ah tualchung mi 3 an nunnak a liam i 16 nih hliamhma an tuar tiah theih a si.

SAC ralkap nih rallam sial in khuachung an luhhnawh i hramhram in inn an khangh, hriamngan an thlah i tualchung mi hna um kalnak lampi ah bomb an hmanh tiah Kyunhla-Kanbalu ah cawlcanghnak a tuahtu phu chung in ṭuanvo ngeitu pakhat nih a chim.

“February 1 in 28 tiang cazin kan ngahmi kan langhter hi a si, tualchung mi hna umnak inn cu SAC ralkap le an kuttang a ummi pyusawhti phu hna kut in an ciam, tualchung mi hliamhma tuar le nunnak liam mi zong an um” tiah a chim.
SAC ralkap nih an khanghmi inn hi Kanbalu peng Maymon, Tayawkai, Chaungkya, Padaukpin le Poaktaw khua ah inn 267 le Kyunhla peng Kyatakan khua inn 35 an khangh tiah theih a si.

SAC ralkap nih an thlahmi hriamngan ruang ah Kanbalu peng Kotaungbo dawr-khaan tung-zaang pee 6 simi khaan 371 le tlanglawng dinhnak hmun kam ummi dawrkhaan 50 hrawng a ciam tiah theih a si.

Cun February thla chung ṭhiam ah Kaiyoe khuami pa pakhat le nu pahnih cu SAC ralkap nih tlaih in an thah hna tiah theih a si. Tinpaung khuami kum 15 tluk ngakchia pakhat zong bomb i lamhsualnak in a nunnak a liam.

Cu pin ah pyusawhti phu hna nih an hmanhmi bomb i lamhsualnak ruang ah Htankone ṭaitnay Tinpaungkyin khua le Nyaungzin khua mi 7 le Gwaykone khuami 9 nih hliamhma an tuar tiah theih a si.
Myaelatt Athan