Khuafo Khua Jet Vanlawng Nih A Kahnak Kong Hlathlai Khawh Mi
Ralhrang nih 30 March 2023, 10:16 Am ah Jet Fighter in Khuafo khua a kahnak hmun pawl kan hmuh khawh tawk asi. A tung 500 meters in a vang 100 meters kulh chung khuafo leitual fing paohpaoh ah S-8 rocket le 23mm cannon (kuan lian pipi) phun nih (hmun 12 leng ah) cip nawn in a rawiput.
Hi rocket le kuan pawl hi FTC 2000G, Mig-29 le YAK-130 fighter phun pawl ah bunh i hman khawh mi an si. Rocket pods timi rocket tampi voikhat kahnak thalphir (hmanthlak ah langhter mi) hna bunh ahcun second 3-5 chung ah tampi a kah khawh.
9:56 AM ah Tada-U vanlawng bual in nitlak chak (အနောက်မြောက်) hoih in dengteo in Thantlang a run fuh i 10:16 Am ah Khuafo a kah. Jet fighter pakhat hi tuan deuh ah a phan i a hnu deuh i Khuafo a kaptu a si tiah pawngkam naihniam sin in kan theih. Mi-35 fighter heicopter nih Vuichip naih le Tlangrua naih ah a kah ve.
Forhnak: Vanlawng aw na theih i jet fighter a si ko ah cun a naih bik tlungkhur ah lut ko. Himnak a si.
TEAM CSN
Relchap>>>>>Tukum 2023 kum pin in vawleicung kannun chung,
Zei bantuk Biaknak le Groups in rianttuan nak kipah, Phaisa kengtu le a bawmtu umpeng ansi. Zeicahtiah, kan Bible Cathiang nih, hi vawleicung nannun chungah tangka loin, phaisa loin nan tuah khawhmi zeihmanh a um lo tiah a kanti bantukin, Phaisa cu ngeih peng kanhau hna i, phaisa kengtu le a bawmtu tiin kan zumhmi hna.
Minung kanthim nak hna cu asi, Pakhat khat ruangah phaisa kenmi minus apiah i atlin lo ahcun, phaisa kengtu nih thling tein, a sining tein chap siseh law, cuti cun Dinfelnak hi ttanh hna usih.
Dinfelnak hi dirpi hna usih. Dinfelnak in Nun cawng hna usih. Dinfelnak in tthancho i zuam hna usih. Amen. Zumtu Khrihfa phungin, i ngaihthiam lengmang hi sualnak kan karh tertu asi deuh. Cucaah cun, hi vialte minung lakah, nangmah le na hawi thengte Phaisa keng dingah Zumhawktlak bak nasi tiin kan in thim hna bantukin, ralttha taktak le dingfel taktak in a hmaan ning tein phaisa Ken i zuam Chin ko uh. Amen!
Pakhat Pa a fel taktakmi aum.
An Khrihfabu phaisa kengtu asi. An Khrihfabu cu, Laimi Khrihfabu asi i, Sherman, Texas ah aummi asi. Cupa cu Thantlang Peng ( Van Zang Khuami ) asi i, a min ah Pu Awm Thang anti i, a nupi a fale he khuasa ansi i, Thawng Ttha Nulepa tiah an auh hna.
Zeitindah a felnak Kong ka theih tiah cun, inn thar an caw, inn luh thlacamnak anrak tuah ah asi, cu lio ah an Khrihfabu Phaisa a kenmi hi, Dingfel taktak in a Ken i, a dihlak tling tein a Ken pinah hin, a hlei in, Amah pumpak an inn chungkhar phaisa hi an rak chap chih. Kha bak ding kha asi ko. Pathian an i Bochan tuk an fel taktak khi asi a zeidang Kong zongah an fel.
Zohchun tlak Khrihfa Chungkhar ansi. Zeica dah ka ttial tiah ahcun, hipa Nunnak zoh in, Dinfelnak hi cawng hna usih kan dihlak tein. Amen.
Kan Bible Cathiang nih a kan theih termi cu: Miphun a Lianngan tertu cu Dinnak asi. Sualnak cu mi zei miphun ca hmanh ah ningzahnak asi a kanti. Amen.
Dinfelnak in kan miphun lungthin nunnak a tthan Chin lengmang nakhnga
Leave a Reply