Ralhrang Nih An Tlaih Mi Hna Thong Ah An Thlak Mi Hna Cu Thonginn Zaan Gate Hngak Ah An Chiah Cang Hna

Sagaing ramṭhen, Kalaymyo ah SAC ralkap kut in tlaihkhih a tongmi tualchung mi hna cu zaan caan ah pengkulh palik sakhan hmai gate ah hriamthil tello in an kee hren he, gate an hngahter hna tiah cu thonginn in luatnak a hmutu he naihniam in a ummi hna nih an chim tiah theih a si.

Tlaihkhih a tongmi hna cu SAC ralkap nih rallam an sialnak hmun ah a tlawmbik ni 15 hrawng an i kalpi hna hnu ah, pengkulh palik sakhan ah an kuat hna i cheukhat cu thonginn ah kuatlo in pengkulh palik sakhan thonginn ah a um mi hi a tlawmbik minung 200 leng an si tiah theih a si.

Luatnak a hmucang mi hna nih ” tlaihkhih a tong i palik sakhan ah hrenmi hna cu gate an hngahter hna. Kalaymyo pengkulh palik sakhan hmai ah gate an hngahter hna, thongtla kip cu an si lo. Civil thuam he an hngahter hna, meithal an pe hna lo, an kee hren he an hngahter hna, a tu bantuk in gate an hngahter hna nak hi thlali hrawng a si cang” tiah luatnak a hmu cangmi pakhat nih a chim.

Tlaihkhih a tongmi hna hi tualchung mi sawhsawh an um nain PDF le CDM cawlcanghnak a tuahmi hna zong an i tel ve tiah theih a si.

Relchap>>>>>>Pu. H.Rammawi hi Kawlram (Chin ralzam) kan caah Mizoram Cozah nih Delhi Cozah(Central) ah bia an chim ter lengmang mi asi. A mah nih MPs pawl zong a hruai hna i Delhi Cozah a ton pi tawn hna. Tutan zong ah a kal than.

Mizoram Cozah lungtlinnak in Ralzam kuat tthan ti bantuk bia vaivuan a chuah lio ah “A si lo, Mizoram Cozah nih a tuah lai lo” tiah fiang tein an kan chim hmasa tu zong a si. Cu kong ah atutan zong tuanvo ngeitu a ton hna “Kan kir ter hna lai lo, kan zohkhenh hna lai” tiah fiang tein a va chimh than hna.

Aizawl 14th September, 2022 : Nimin tlai dar 5:00 khan External Affairs Ministry , Govt of India Jt.Secretary Smita Pant chu Pu H.Rammawi, Vice Chairman, Mizoram State Planning Board in a hmu a. Tuna Mizorama Myanmar Refugee awm te hi Myanmar rama an let leha an security leh an resettlement programme Myanmar sawrkarin fel taka a duan loh chuan Mizoram sawrkar in Myanmar ramah thawn let a tum lo tih a hrilh.

Vice Chairman, Mizoram State Planning Board hi Pu K. Vanlalvena, MP (RS) leh Pu Rosangzuala, OSD to Chief Minister ten an tawiawm a ni.Crd.. Salai Cung Dawt

Relchap>>>>>on-CDM pawl PDF nih a hnubik ralrin an pek cang hna, an duh lo cun aherh ning poh in hmalak a si lai
SEP 14, 2022

Pale khuapi peng ah a um mi Non-CDM pawl cu a rannak in CDM tuah ding in ahnu bik ralrinnak an pek cang hna.

Pale peng ah SAC ralhrang rian ttuan in CDM a tuah lo mi hna cu a rannak in tu thla ni 20 hlan ah CDM tuah hrimhrim ding in Pale peng mizapi uktu phu nih cathanh an chuah hnawh hna.

Hi bantuk in CDM a tuah duh lo mi hna bawmhnak ruang ah SAC ralhrang mi CDM a tuah mi pawl an tlaih hna, an hrem hna, an thah mi hna zong an um caah ralrin peknak zei ah an rel lo ahcun fak piin sual phawt an si taktak cang lai tiah Mizapi uktu phu leiin Pu Zaw Htet nih a chim.

“A tam u cu Non-CDM hna sin in thawng an theih mi ruangah thah tiang in an tuar. Non-CDM he pehtlaiin thil kan kal pi taktak cang lai. Non-CDM pawl hi hriamnam cu an i ken bak lo, asinain hriamnam ai ken mi SAC ralhrang pawl hnulei in an dirkamh hna” tiah a chim.

Pale peng ahhin Ngandamnak zung le Fimcawnnak zung in CDM a tuah mi an tam cem, cun Palik lei in CDM a tuah duh lo mi an tam bik ve tiah a chim chap.

Pale khuapi peng mizapi hruaitu phu cu NUG nih a theih pi mi hruaitu an si hna.

Be the first to comment

Leave a Reply

Your email address will not be published.


*