Thaizing July 16 ah kawlram Airways International vanlawng Yangon in Dubai lei ah khualtlawng ding pawl hna chungin SAC ralhrang nih tlaihkhih timhmi an neih hna i, cucu an timhlamh cuahmah lio a si tiah thawngpang a hung chuak.
Mah kongah nawlngeitu pakhat a simi vuleipi huap minthang Journalist Mratt Kyaw Thu sinah an chim mi a si i, Mratt Kyaw Thu nihcun vanlawng chuahding nithla le vanlawng number tiangin a phuang dih tiah theih a si.
Yangon in Myanmar Airway International vanlawng a cit tuding hi minung 134 an si i cu hna lakah Japan le India ram mi zong an i tel ve hna tiah Mratt Kyaw Thu nih cun a phuan.
Mipi ca ka ruat tuk caah ralhrang pawl an cawlcangh ning hi mipi theih in ka tar nak hi a si tiah a chim. Aruang cu ralhrang kut in kan him lo ti kan i hngalh ahcun a hlan kan in ralring ding pawl kan hngalh cia i, cu caah hihi mipi theih in ka phonak hi a si tiah Mratt kyaw Thu nih a chim.
Mratt Kyaw Thu hi vuleipi huap in Journalist minthang a si i, kawlram a buai hnu in,Ralhrang nih tlaihkhih dingmi cazin ah an chiah mi a si caah a tuhi Spain ram ah a dor lio a si.Falam online media
Leave a Reply