Kachin ram Phakant Khuapi ah Internet line phih hnu in Min Aung Hlaing SAC ralhrang nih Helicopter in a ralkap thazaang a chap thluahmah tiah theih asi.
Nihin September 9 chunhnu suimilam 2:00 pm hrawng ah voikhat zaanlei suimilam 5:00pm tluk hrawngah voikhat tiin tuni lawng hmanh ah voihnih rori bak SAC ralhrang Helicopter an ra i voikhat rat ah Helicopter 2 lengmang in an ra tiah Khuami hna nih Yangon Khet Thit Media ah an chim.KTM
Relchap: Kayin ralkap KNU le ralhrang phu kar kahdohnak kong,KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.
“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.
” Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le , anmah ralhrang phu bawmtu minung an thlah tawn.
Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy
Leave a Reply