Thilphor mawtaw bantukin tuahmi ralhrang sin bawmhchanhnak thilri phortu mawtaw pakhat KIA nih an khangh Kachin ramkulh, Phakanh peng, Lawa(လဝါး) khua ah August 21, ni ah ralhrang phu hriam thilri le eidin a phor mi motor pakhat cu Kachin ralkap KIA nih mei khangh in an hrawh tiah theih a si.
Ralhrang phu hna caah tiah langhter mi eidin hna le, hriam thilri a phor mi motor pakhat meikhangh in hrawh a si nak kong cu min langhter lo mi khuami pakhat nih a chim.
“Lawa(လဝါး) khua pawng ah mei in an khangh, ralhrang phu hna motor in eidin chanh a si tik ah KIA nih a tu le tu meikhangh in an hrawh piak lengmang hna caah, motor ngan(မွန္လုံကား)khat, ralhrang hna tel lo in thilsawh phor mi bantukin hriam thilri hna le eidin cu ralhrang phu hna caah a phorh.
Ralhrang hna thil tuah mi cu KIA nih an theih hna caah lampi ah motor kham in , lampi in tlawmpal a hlat deuhnak hmunah motor khal cu checkhlatnak an tuah hnu ah cu motor cu meikhangh in an hrawh.Motor cu mi pi lei a si tiah an thlah than” tiah a chim.
Cu motor meikhangh a si lio ah, meithal puah thawng theih a si na in hliam nak a um lo tiah a chim chap.
Ralhrang phu hna cu Phakanh motor lampi ah
thilphor motor in ralhrang hna eidin cu a phorh tawn, KIA phu hna zong nih cu motor hna cu meikhangh in an hrawh tawn.#The 74 Media
Leave a Reply