Palee myo nizaan August 31.8.2021 kahdohnak ah Min Aung Hlaing Ralhrang pawl minung 43 an thi. Minung tampi hliam hma an pu lai tiah zumh a si. Mipi vengtu ralkap PDF lei in minung 2 an nunnak a liam ve tiah theih a si. Crd.. Sawisung
Relchap: Thai ram in Kawlram ah kir a duh mi riantuan 6 hna cu broker (puaisa) pawl nih kan in thlah hna lai tiin phaisa an hal hna hnuah lam ah an ngol hna.
Thailand ah riantuan mi Kawlram mi hna hi puaisa pawl nih Maesot No. 2 hlei tiang kan in chiah hna lai tiin phaisa an hal hna hnuah Taak district ah August 31 ah khan an chiah tak hna tiah Joint Action Committee for Burmese Affair (JACBA) in U Moe Kyoe nih a chim.
Hi riantuan hna hi Taak district hlei pakhat ah an chiahtak hna i, Thai palek nih an tlaih hna hnuah Maesot Kawlram embassy nih an chanh hna tiah theih a si.
Puaisa cheukhat nih covid-19 ruangah khuachung mawtaw pawl kal khawh a si lo. Highway pawl lawng an kal kho, kan in thlah khawh hna lai tiin Kawlram riantuan hna sin in phaisa an lak hnuah Auto Rickshaw in an phorh hna k, lam ah an kaltak tawn hna.
Atu hi Thailand district 29 cu covid red level ah an chiah rih. Highway a tli mi zong a um rih lo mah ruangah online broker hna cu zumh lo dingin JACBA rianngeitu hna nih an chim.
Thailand in Kawlram a kir duh mi hna nih puaisa an hlan tikah minung 1 ah Baht thong 5-6 pek a si i, Thailand thlanglei ah a ummi hna nihcun, thongnra hna an pek tawn. Puaisa pawl nih ramri hlei tiang kan im thlah hna lai an ti hna nain zeitik hmanh ah hlei tiang an thlah bal hna lo. Taak district tiang lawng an thlah tawn hna tiah theih a si.
Cucaah, Kawlram lei a kir duh mi riantuan hna nih Thailand, Labor embassy ah thawngthanh i, rianngeitu theihpinak ca lak hnuah tlun khawh a si tiah Labor embassy zung nih theihternak a chuah.
August 1 in Kawlram lei a tlung duh mi riantuan hna cu Thai le Kawlram labor official hna tawlrelnak in ni 1 dan ah minung 200 in kuat an si i, atu tiang kuat mi 3229 an si cang tiah theih a si.Ref; Irrawaddy;TCP
Leave a Reply