Ralhrang Kongah Tuah Bak Lo Ding Le Tuah Bak Ding

Kan ralkap CNA/CDF cawlcanghnak Aho sin hmanh ah chim lo ding. Mah lak ah Chin news pawl zong an i tel. Phone an in chonh hna lai bia a phunphun an in hal hna lai. KA THEI BAK LO tihi kan bialehnak si ko seh.

TUAH BAK DING:
RALHRANG pawl umnak, kalnak, minung zat na fian ko mi cu thanh peng ding. Bia fiang lo thanh bak fawn lo ding.Raltu mi kan si hi philh hrimhrim hna hlah usih.Bawipa nih kan dir pi ko seh.Rev. Thawngling Mualhlun

Relchap:Thantlang khua ah bomb a puak than tiah theih a si, mipi zong an lau ngai hna. Mah bom a puahnak hi Thantlan in nitlak leikam myo patline hrawngah si dawh a si tiah an chim. Mah bomb puahnak kongah a thimi le a hliam mi hngalh an si rih lo tiah thawng kan theih.

Mah lawng si loin A hlan ah ke in rak zulh tawn mi Vanzangtlang lam thing pawng dum zong bomb a puak rih lomi an hmuh than tiah an chim. Hi bomb a puak rih lomi hi kan lak piak uh tiah thawng an thanh cang hna tiah kan theih.

Thantlang bomb puahnak ruangah zahan zongah a thimi an um cang hliam a tuar mi tampi an um. Nihin ah bomb a puah rih nain a thimi le a hliam mi hngalh a si lo . Cun bomb a puak rih lomi zong an hmuh hi a poi ngaingai. Thantlang mipi ralrin a herh ko cang.