Ralhrang Hi Kan Tei Hna Lai Maw? A Si Lo Ah A Hohmanh I Tei Lo In Maw Kan Ram Hi A Buai Peng Lai

Ralhrang Hi Kan Tei Hna Lai Maw? A Si Lo Ah A Hohmanh I Tei Lo In Maw Kan Ram Hi A Buai Peng Lai

Ralhrang kan dohnak hi kum hnih a tling cang i kan teihn maw tiah cun kee i kan tei ko hna. An kalnak lam poh le an umnak cu mipi ralkap nih fuh le kah peng an si i an cawl kho tuk lem lo . A sinain khua pi le myo poh cu mipi ralkap nih pakhat hmanh an la kho ve lo.

Mipi nih an kan tei tiah an i ruat theng ve lo. kan raltuk zoh tik ah khuapi kan kah i kan lak lo a si ahcun kan ram hi i tei lo in buainak lawng te aa peh ko rih lai i ram dai ah an ser kho lai lo.

NUG nih aa timh ning a si ahcun tukum bak ah hin ral kan tei lai i tukum hi khuapi kan luhhnawh ni a si lai tiah an bia kam cu a si. Mipi caah kan kan thawh ko a si ahcun kan temtuar ve cu a hau ko. Kan raltuk mi teinak dingah cun khuapi bak kan luh hnawh i hriamtlai pohpoh kan lung aa rual i voi khat bak ah kan nam hna a hau ko.

Relchap>>>>>SAC Ralhrang Rallam Sialmi Hna Cu Bomb In An Puahhnawh Hna Caah 4 An Thi!
=======
Nohawng[February] 27 zinglei suimilam 8:00 tlukah Mandaly ramṭhen Matara (မတ်တရာ)
pengkomh Kyunpin (ကျွန်းပင်) khua thianh dingin a rami SAC ralhrang hna cu bomb nih a puahhnawh hna caah 4 an thi 2 nih hliam an tuar tiah an langhter.

“SAC ralhrang nih khuachung luhhnawh an timh timi thawng kan theih bak in an kalnak ding lam ah PDF fonh hna he bomb kan tarh tiah Major Lin Yong nih a chim. Hi kahdohnak ah a telmi hramtlai phufonh hna cu ZPDF, DRF, VRF le PDF ṭangṭi phu hna hi ansi tiah an langhter.

Nohawng[February] 24 kan hnu lei zongah khan Sintgaing (စဥ့်ကိုင်) peng ah SAC ralhrang motor 20 in rallam sial ah a rami hna cu DRF fonh nih an rak kah hna i minung 5 naak tlawmlo an thi tiah theih a si.
#Lungmili Post
#MNB