Saw Peng Kahdohnak Ah SAC Ralkap 30 Leng An Thi
Magway ramṭhen, Saw peng San khua pawng ah nizan March ni 30 ah SAC ralkap le Saw PDF kar kahdohnak a chuak i SAC ralkap 30 leng an thi, tiah theih a si.
Saw PDF le ṭangṭi phu le SAC ralkap cu March ni 30 zanlei suimilam 3:30PM ah kahdohnak a chuak i, SAC ralkap nih vanlawng in an kan kah, tiah Saw PDF he naihniam in a ummi sin in theih a si.
SAC ralkap nih Saw khua he meng 35 tluk aa hlatnak San khua pawng ralhrial camp zong March ni 30 zan suimilam 7:00PM hrawng ah an khangh, tiah theih a si.
“Cu kahdohnak ah SAC ralkap a thimi hna cu ralhrial camp he mei in an khangh chih hna. SAC ralkap a thimi hi 30 hrawng an si i, vanlawng in kahdohnak an tuah ruang ah ralkap a thimi an meithal kan la kho lo,” tiah Saw PDF he naihniam in a ummi nih cun a chim.
Relchap>>>>>Mizoram Minung 3 Thah A Tongmi He Aa Pehtlai Kho Mi Motor Pakhat CDF-Zophei Nih An Hmuh
================================
2023|Vaute 31| March 19 ah CDF-Zophei ramchung Ngalang khua le Mizoram Ainak khua pawng ramri ah mithah lainawn nak a chuak mi cu CDF-Zophei nih fakpi in kan doh i ngaihchiat nak a tongmi chungkhat kan in ngaihchiat pi hna.
CDF-Mindat nih thanhca an chuah bantuk in Magway ramthen, Pakkuko pengkomh, Myaing peng a si mi Ko Jeck le Mindat peng hriamnam puaisa a si mi Salai Aung Ling hna an i teltumnak kong cathanh an chuah. Kan ram chungah thil a cangmi kong he pehtlai in mithat tu hna tlaihnak kong le thildik, thil hman a chuah khawhnak ding caah CDF-Zophei zong kan i zuam lai.
CDF-Zophei nih mithah lainawn a chuah nak hmun pawngkam ah kal in hlathlainak kan va tuah i motor pakhat cu Ngalang khua in Bawinu tiva lei kalnak lamthlang ah hmuh a si, cu motor cu mithahnak case he aa pehtlai mi a si ah cun tuanvo ngeitu hna sin ah pekchanh ding in timhtuah a si.
Hi bantuk thil a can sual tinak hnga lo, humhimnak tha tein tuah le zatlang bu, Biaknak lei zong nih biatak tein thazaang chuah in i bawm cio hna u sih tiah CDF-Zophei nih March 31 ah thanhca an chuah.
#CDF-Zophei
#Lungmili_post
Leave a Reply