Ralhrang Doh Ruangah Kan Mipi Kan Tuar Tuk Ve Cang Ee

Ralhrang Doh Ruangah Kan Mipi Kan Tuar Tuk Ve Cang Ee

𝐏𝐚𝐮𝐡 𝐩𝐞𝐧𝐠 𝐜𝐡𝐮𝐧𝐠 𝐢𝐢 𝐚𝐮𝐦 𝐦𝐢 𝐤𝐡𝐮𝐚 𝐭𝐞 (𝟔) 𝐡𝐧𝐚 𝐚𝐡 𝐒𝐀𝐂 𝐫𝐚𝐥𝐡𝐫𝐚𝐧𝐠 𝐩𝐚𝐰𝐥 𝐜𝐮 𝐫𝐚𝐥 𝐥𝐚𝐦 𝐬𝐢𝐚𝐥 𝐢𝐧 𝐚𝐧 𝐥𝐮𝐡 𝐜𝐚𝐚𝐡 𝐦𝐢𝐩𝐢 𝐦𝐢𝐧𝐮𝐧𝐠 (𝟑𝟎𝟎𝟎) 𝐫𝐞𝐧𝐠 𝐥𝐨 𝐚𝐧 𝐳𝐚𝐦 𝐡𝐧𝐚
+++++++++++++++++++
Magway ram then Pauh peng chak lei ah um mi khua te khua (6) hna ah SAC ralhrang pawl cu ral lam sial in an luh caah mipi (3000) reng lo hna cu Inn le lo chuak tak in an zam hna tiah tual chung mi sin in theih asi.

Ni zan February Ni (24) ah Pauh peng Chak lei ah aum mi Kwin Daw (ကျွန်းတော), San Phe (စံဖဲ),Htan Nge Daw (ထန်းငယ်တော),Sia Khuah Kyi (ရှခွကြီး), Sia Khuah Lee (ရှခွလေး) khua le Ngiang Wine Pauh (ညောင်းဝန်းပေါက်) khua hna ah SAC ralhrang pawl cu mei thal kah pah thluah mah in an lut luh caah khua (6) in mipi (3000) reng lo hna cu ahim nak hmun ah an zam hna tiah theih asi.

Relchap>>>>>>Naypyidaw Ah Ni Thum Chung Pehtlai In Puahkehnak A Chuak

SAC zung hmun Naypyidaw ah a luancia February ni 28 in March ni 2 tiang ni thum chung puahkehnak a chuak tiah Naypyidaw ummi nih an chim.
March ni 2, zanlei suimilam 6:00PM luan ah Zabuthiri peng Shwekyapin lam le Chai khua lamtonnak SAC ralkap le palik nih humhimnak la in sakhan an chiahnak check gate ah bomb puahkehnak a chuak tiah theih a si.

March ni 1, zanlei Naypyidaw Ayeyarwady lam kam ummi minung tampi an umnak le mi tampi an ṭhut tawnnak Mandalay Paradise eidin dawr ah puahkehnak a chuak.
A luancia February ni 28, ah Shwekyapin sang ummi USDP Party Central Counselor zong a si i U Thein Sein cozah chan lio zong ah Amyota palai in Vice Chairman ṭuanvo a rak latu U Mya Ngyein a inn cu kut cheh bomb puahhnawh in doh an rak tong tiah Naypyidaw khuachung ummi pakhat nih a chim.

USDP Party Central Counselor U Mya Ngyein a umnak inn doh a tonnak kong he pehtlai in Sittaung pahkahphah-NPT nih cun uknak a latu SAC rianṭuannak phen ah bawmtu dirhmun in a telpi hna caah kan dohmi a si tiah nihin March ni 3 ah cathanh an chuah.

Naypyidaw cu SAC nih hrambunh in zung a chiahnak hmun a si caah khua luh/chuahnak hmunhma hna cu fak piin chekhlatnak an tuah pin ah khuachung hmunhma cheukhat zong ah SAC nih security tampi laak in ralvennak fak piin a tuah tiah theih a si.
RFA