Min Aung Hlaing Tapeh Ralhrang pawl cu Kayin hriamtlai hna hmunram asi mi Chauhkyi myone chungah umhmun khuar in cawlcanghnak an nei chin lengmang tiah Tuule media nih tuni ah thawngthanhnak a tuah.
Nihin ah Khahlahyah (75) in ralbawi pakhat le rallokap lubo pakhat an tli tiah Tuungtata khua upa pakhat an auh i, rawbar dum ah kal in an kawl cuahmah hna tiah a langhter. Mah pin ah Nattankun, Chauhkyi lampi cungah hramhram uknak latu ralhrang phu hna cu mi sawhsawh thilpuan i hruk in lam hngak tu an chiah hna i, mah hna cu motor 5 in Vinbe lei in an rak kai tiah a langhter.
August ni 15 zongah kawl ralhrang rallokap tangah a umm Khahlahyah 60 rallokap hna cu Innet ohsuh, Innet phungki sianginn ah umhmun an khuar tiah a langhter. Khahlahyah 60 hna nih Chauhkyi khuapi chung ummi Mala Oo gate cu an khar i, myo chungah umkal zong an kham tiah theih asi.
Mah hlei ah Khahlahyah 75 nih Chauhkyi myone Padekaw ohsuh chung sianginn, biaknak he ai pehtlai mi sianginn hna cu hman an thlak hna tiah Tule media nih a langhter fawn.
Yangon ramthen, Kamaryaut (ကမာရြတ္) peng no.3 sang Thantapin(ထန္းတပင္လမ္း) lam le Saedanatuh(ေစတနာသု) lamkar inn number 17 ah dalan tiah ruahmi thawngpe si hrim lai tiah mitam nih ruahmi U Tin Hlah cu nihin zinglei suimilam 5:00 hrawngah meithal in kah a tong tiah Kamayut Information thawngzamhnak nih an langhter.
“Tuzing suimilam 5:99 hrawngah an pawngkam mi pakhat chimnak ahcun au thawng ka theih caah ka va zoh cu a cal ah meithal in kah a rak tong” tiah a hmu tu mi pakhat nih a chim.
Yangon Khit Thit Media nih Kamaryaut(ကမာရြတ္)peng khuami pakhat cu pehtlai in thawng hal a si tik ah ralhrang sin thawngpe tu dalan tiah ruahmi U Tin Hlah thah a tonnak kong cu, thawng dik a si ko tiah theih a si, nihin zinglei ah ralhrang phu hna le palik nih runvengtu tampi hna he motor in an phan tiah a hmutu pakhat nih a chim.
Kamayut Information thawngzamhnak nih an langhter ning ah nihin suimilam 8:00 thok in Thantapin(ထန္းထပင္) lam ah (motor ngan pakhat,Dc 5, inn cit mi motor pakhat) he palik le ralhrang phu minung 30 leng cu, cu thil can nak hmun ah an phan i an pawngkam zong ah kherhhlai nak an tuah tiah theih a si.Khit Thit Media, The Chin Post
Leave a Reply