Ralhrang Bu Cu US Cozah Nih Hremnak Fakpi An Pek Than Cang

Min Aung Hlaing ralhrang pawl cu UN pi nih ralrinnak a pek hna. Uknak an fir hnu in ramchung mipi an thah ning hna le an hrem ning hna cu ngol ding UN General Secretary Office nih ralrinnak a pek cang hna.ralhrang nih nawl ngeihnak an lak hnu in mipi an thah mi hna hi minung 930 tluk an si cang.

ralhrang nih an hliam mi hna hi minung a thong leng an si cang. Mah bantuk a dik lo ningin a cawl mi hna ralhrang phu hremnak pek dingah kawlram a um mi UN zung nih halnak an tuah i,New York Head Office ah biachimtu a si mi Erick Kaneko nih a chim. Ralhrang phung ning loin a cawl mi hna le mipi rawhralnak a pen tu hi dantatnak kan pek tiah a thanh.

Ralkap cozah nih an tlaihmi minthang pakhat a simi Pyi Ti Oo cu Insein thonginn chung i a um lioah hringtu a pa DR. Tin Mung OO nih civid zawtnak in a liamtak. A pa thihnak kong he pehtlaiin Pyi Ti Oo a fanu te Ngwe Ti Oo nih a chim mi bia cuka chanh kho lo chir awk um loin ka si khawhchungin ka buai ko tiah a chim.

A tuhi tlali chung Insein thonginn ah caan a hmanh cang i, zeitik ah dah a chuak lai timi a fiang kho rih lo. Cun thonginn chungah zeidah a lawh tihi hngalh a si lo. Kan hnu lei i ralhrang nih minthang cheukhat ngaihthiam an hal nak hna cathanh an chuahmi ah khan an nupa in an i tel tiah theih a si. A tu bantuk a hringtu a pa nih a thih tak hi thongchung a um kar ah a si.