Ralhrang Bawi Min Aung Hlaing Cu Tihnak Ngei Lo Bakin A Leh Ko Ee!

Ralkap nih media 5 license an thah piak mi kongah Mizzima nih Ralkap lehnak a tuah cang, Kan thei bantuk in tu ni 8 ah ralkap nih kawlram chungah media panga license cu a thah piak cang hna.

Mah media license a thah piak mi hna cu, DVD, Mizzima, 7Day, Myanmar Now le Khi Thit Media hna an si. Mah media license a thah piak mi hna hi media dang hmangin thawngpang thanh le chim a siang ti hna lo.

Cun mah pawl hna hi, thawngpang thanghnak kongah zei bantuk thilri hmanh hmang a siang ti hna lo ti a si. Mah kongah Mizzima nih lehnak an tuah i Media kan si bantuk in zalawng tein News kan thla/thanh lengmang lai. Media cu freedom kan si bantuk in kan rian kan tuan peng lai tiin lehnak an tuah colh. Credit-The Irrawady

Tu zanlei ah ralkap nih thawngthanhnak dang an tuah chap mi cu “CDM he aa pehtlai mi posters pawl a chuahtu (ningcanglo bia le cafang pawl tial mi) Computer dawr ngeitu pawl kan tlaih hna lai,” tiah March 8, zaan suimilaam 8:00 MRTV news nih a thanh hoi. Thawngpang Chia lawngte si ko cang hih!