Ralhrang An Sungtuk Cang, PDF Nih Ralhrang Hmaisuang Pawl An Phomh Hna Minung Ceilak An Thih

Ralhrang An Sungtuk Cang, PDF Nih Ralhrang Hmaisuang Pawl An Phomh Hna Minung Ceilak An Thih

Tanintharyi peng Thae Phyu khua chung rallamsial in a lut mi SAC ralhrang cu mipi hriamtlai phu PDF nih an kah hna i 20 tluk an thi hriamthil meithal kuan uniform tampi an lak piak chih hna.

Vaute 28 ah thok in Thae Phyu khuachung ah rallamsialmi SAC ralhrang cu Vaupi 12, ni ah Tanintharyi pengkomh mipi hriamtlai phu fonh PDF nih an kah hna caah khuachung in hnulei an kir tiah theih asi.

SAC ralhrang nih an zaamtak mi hriamthil tampi cu mipi hriamtlai phu PDF nih an lak kahdohnak ruang ah Khrihfa Biakinn pakhat le chungkhar khuasaknak inn zeimawzet an rawk chih tiah an chim.

“Kan nih PDF nih SAC ralhrang hi kan kah peng hna lai caah mipi nanmah lei nih kan in chimh ning hna te in nan kan um piaknak lai kan in nawl hna tiah” mipi hriamtlai phu chung in ṭuanvo ngeitu pakhat nih nawlnak a tuah.
#Khit Thit Media,, Crd… Lungmali Post

Relchap>>>>Maw kan Khuazing le kan Pathian,
Na sin ah thla kan rak cam.

Goliat bantuk in a ngan tuk mi le a tthawng tuk mi an thir phaw he ara mi. An van ralkap le an miakpi nih an kilh mi.A chahtuk mi an thir phaw le an hriamnam tthabik hna he khan.Tei khawh lo ding ah an rak iruat.

Maw kan Khuazing le kan Pathian,
Kan thlacam nak nakan leh I, na lianh ngan nak langhter ding ah Pasal ttha le paral ttha tampi nakan pek. Cakei bantuk raltthatnak le tthawnnak, vakok bantuk zumhtlak sinak le miphun dawtnak in kan pasal ttha hna cu na thuamh hna.

Maw kan Khuazing le Kan Pathian,
Kan khua, kan ram, kan fing le kan tlang hna cu, a tthabik mi ral hruang ah na rak kan serpiak timi kha, kan hmuh hngan hrimhrim ah a thar in nakan hmuhsak.

Van in an thlak mi bom hna le lei in an kah mi miakpi vialte hna nih zeihmanh harnak a kan pek khawh lo ding in na rak remh cia dih.
Maw kan Khuazing le kan Pathian,
Nasin ah lawmh nak bia kan chim.
Teinak cu nangmah ta asi.
Teinak tlamtling rak kan pe ko sawh.