Yangon Ramthen Kamayut Peng ah Dalaan ralhrang he a pehtlai mi tar pakhat Tin Hla cu aho si hngalhlo mi hna nih August 17, 5:00 AM, hawngah meithal in acal (calpadar) ah an kahthah, tiah Kamayut Information nih a thanh.
Relchap: Afghanistan hmanh nih an ral an doh lo lio ah US ralkap doh fial cu a palh: Joe Biden ;US ralkap pawl Afghanistan ram in a auh mi hna cung ah fek tein a dirnak kong Taliban nih Kabul an lak hnu a voi khatnak bik mizapi sin ah Presindent Joe Biden nih a chim.
Cun, anmah Afghanistan ralkap hmanh nih an ram runven an zuam lo asiloah an runven khawh lo lio ah US ralkap kha kum 1 in kum 5 tiang chiah rih zong ah zeihleipi a chuak ti lai lo, tiah Biden nih a chim.
Afghanistan ram he pehtlai in American nih kan hmuichon rian (mission) hi ram sernak a si lo. Hmuitinh a si mi tapung hna nih thihphaihnak policy pawl an hman mi Afghanistan lawng si loin ram dangdang zong ah a rak karh cang.
Taliban nih Afghanistan an lak ning hi ruahnak nakin a rang deuh. Anmah Afghanistan hmanh nih an doh lo mi an ral kha US ralkap pawl nih doh ding in fialchih cu a palh mi a si, tiah a chim.
Afghanistan khualipi Kabul Taliban nih a lak thaizing ah Joe Biden zong Camp David in White House ah a rak kir i August 31 ah US ralkap Afghanistan in auh ding a biachahnak cu rungveng (silhnalh) ngai in a chim than.#VOA
Leave a Reply