Ralhrang 80 Leng Cu Khua Luh Lai Ah Bomb In An Puah Hnawh Hna I tam Taktak An Thah Hna

KyaukHtu peng,YawChaung hlei ah ralhraang bomb an puah hnawh hna ,11 an thi

Magway ramthen, KyauHtu khua um ralhraang battalion 368, Hriamngan phu le a dang ralhraang thazaang 80 tluk cu November 25 ah YawChaung hlei ah bomb puah an tong . Ngalun khua(ငလွန်းကျေးရွာ)၊ NaTu khua (နသိုးကျေးရွာ)le TeKye khua (တေးကျေးရွာ) hna in a rakchuak mi ralhraang hna cu November 25 zinglei slm 10:00 tluk ah bomb puah an ton hi a si ii 11 an thi.

Kyaukhtu Regional People Defense Force in rian ngei tu pakhat nih cun “ Kyauhtu khua ii ralhraang hna hriamngan lei phu hna cu November 21 tekhan rallam an rak sial cang ii khuate khua 3 hna ii mipi vok ,Ar le a dang thilri hna cu an fir ii cu kaa cun um hmun an khuar.

Nihin November 25 ah Kyaukhtu khualei an kir than nak lampi ii a um mi YawChaung hlei cung ah bomb kan puah hnawh hna hi a si ii ralhraang 11 an thih leng ah hliam a tuar zong an tam ngai ngai tiah” a chim.

Hi ralhraang hna hi bomb lung 7 in kan puah hnawh hna hi a si,a thi mi le aa hliam mi hna cu ralhraang helicopter nih a rak laak hna tiah a chim chap.

Relchap>>>>>Sint Gu le Thabeikkyin peng chung ii ralhraang rian khinh mi Khuabawi hna le Pyusawhtee hna cu Bo LinYone phu nih an fimhlawm hna

Mandalay ramthen,Sint Gu le Thabeikkyin peng chung ii a um mi ralhraang hna rian khinh mi Khuauk bawi hna le Pyusawhtee hna cu November 25 ah kan fimhlawm hna tiah Bo LinYone phu nih an thanh.

Ralhraang hna rian hma a kal ding in rian a tuan cuahmah tu hna , Thabeikkyin peng ,Ponena Lay khuate khuauk bawi le a nupi, Pyusawhtee tintaan aa lim cang mi Zaw Khaing le Sint Gu peng , Ngaung Pin Tha khuate ii ralhraang hna rian khinh mi khuabawi U Htun Mih an zapi minung 4 hna cu kan tlaih hna ii kan fimhlawm hna tiah an thanh.

Bo LinYone nih cun “a tu ii kan fimhlawm mi hna hi a hlaan te in ralrin kan pek lengmang cang hna, Nanmah tein um ko uh law ralhraang he ii pehtlai hlah uh tiin ralrin kan pek lengmang hna nain an ngeih duh lo caah a tu bantuk in kan fimhlawm nakhna hi a si.

a dang a taang rih mi khuabawi le Pyusaw htee hna zong November 26 in 30 tiang ni 5 chung caan kan in pek hna ,a ran nak in ralhraang hna chuah tak uh ,nan chuah lo cun a herh ning in hma kan laak lai” tiah ralrin pek nak zong a chim chih.

Aluancia November 10 lio zong ah ralhraang Bohmu Zaw Htet Aung hruai mi ralhraang hna le Pyusawhtee hna cu Bo LinYone phu hna nih an rak kah hna ii Bohmu Zaw Htet Aung telh in 4 an rak thi ii 15 hliam an rak tuar.

Be the first to comment

Leave a Reply

Your email address will not be published.


*