Ralhrang 3 An Thah Hna An Meithal Le An Hriamnam An Lak Chih

Gangaw Peng Kahdohnak Ah SAC Ralhrang 3 An Thi, Meithal Le Hriamthil Zong An Lakchih Hna!
=====
Magway le Sagaing ramṭhen ramri Thilin (ထီးလင်း) peng ah SAC ralhrang le PDF fonh karlak ah kahdohnak fakpi a chuak i, ralhrang 3 an thi meithal pakhat le hriamthil zong an lakchih, tiah theih a si.

Nohawng[February] 26 ah Thilin peng Pungtaungnet (ပုံတောင်နတ်) tlang cung ah rallam sialmi SAC ralhrang pawl cu Gangaw PDF Battalion 2, Battalion 4 le Battalion 10 fonh nih an kah hna caah ralhrang 3 an thi MA-11 meithal zunkhat, Kuanbawm 3, meithal kuan 80 le ralthuam taisawm hna zong kan lakchih, tiah PDF fonh nih an langhter.
#Lungmili Post
#Khit Thit Media

Relchap>>>>>Cozah Rianṭuan CDM Hna Telh In Minung 30 Leng Tlaihkhih An Tong!
=====
Nohawng[February] 23 in 26 tiang ah Taninthary ramṭhen Myeik (မြိတ်) pengkomh Palaw khuapi le Taninthary peng khuapi chung ah fimcawnnak zung in CDM tuahmi Cozah rianṭuan tu hna telh in minung 30 naak tlawmlo cu SAC ralhrang nih an tlaihkhih hna tiah theih a si.

Palaw khuapi in tualchungmi pakhat nih cun “Tlaihkhih a tongmi hna chung ah hin fimcawnnak zung le Ca a chimtu hna chung in CDM tuahmi an tam bik. Zaamnak hmun an ngeih lo caah tlaihkhih an tong, a tutiang an thlah rih hna lo i an konglam zong theihkhawh an si rih lo” tiah a chim.

SAC ralhrang nih tualchung mipi hna cu PDF he pehtlaihnak nan ngei tiah an puh hna i an tlaih hna pin ah Cozah rianṭuan mi CDM tuahmi hna zong an tlaihkhih hna, tiah an langhter.
#Lungmili Post
#Khit Thit Media