Ralbawi Min Aung Hlaing Cu Russia Nih A Ropui Taktak Mi Medal An Pek

Myanmar ramchung ah ralbawi nganbik a si mi General Main Aung Hlaing cu Ministry of Defence of the Russian Federation nih June 23 ah khan “For Strengthening Military Cooperation” timi lunglawmh pinak medal an pek tiah Myanmar Tatmadaw thawngzamh nih an langhter.

Hi lunglawmh pinak medal a petu hi Russia ralkap bawi ngan taktak a si mi Vladimir Drozhzhov a pek hi a si I ramchung ralhrang tampi an um ko bu ah daihnak le hlawhtling ngai in rampi ralkap a hruai kho tu a si tiah lunglawmh pinak roca le medal an pek hi a si tiin an langhter.

General Main Aung Hlaing hi Moscow ah “the 75th Anniversary parade of Victory Day of Great Patriotic War”  ah a kal ve mi a si I cu a kal nak ah cun hi lawmhpi nak medal le roca an pek hi a si. A voi 75 nak Victory Day of Great Patriotic War ah hin Russia President Putin zong a ital pinah Vawlei cung ram ngan pawl hna chung in ram 12 nih an ram President le ralkap bawi ngan bik cio an rak thlah nak hmun zong a si.

CINCDS / DVB TV News

 149 total views,  1 views today

This function has been disabled for Chin 11 News.