Ralbawi Hnulei Dirkamhtu Minung 23 Lakah Dr. Andrew Ngun Cung Lian Aa Tel!

Ralbawi pawl hnulei in dirhthohtu minung 23 lak ah Dr. Andrew Ngun Cung Lian aa tel! Hi minung 23 hna hi; MAH fale (tuufale) Aung Pyae Sone, Myo Yadana Thein, Khin Thiri Mon, si hna seh, U Ne Win tuufale Aye Ne Win le Kyaw Ne Win hna an i tel.

Cun, Dr. Thet Thet Khine, Eden chawhrawlnak Chairman U Chit Khaing, Htoo Company Chairman U Tay Za, U Aung Thaung le U Thura Shwe Mann hna he rian ah aa pehtlai mi hna le SAC Advisor Dr. Andrew Ngun Cung Lian an i tel. Hi hna hi tangkalei phihkharnak tuah ding an si tiah World Trade Union phu hnih a si mi ITUC le UNI Global Union nih an thanh. #Mizzima/ THT

Relchih Ding: Aho dah kan ral timi kan i fian a hau! An thil tuahmi a that caan ah ka thangthat hna, ruahnak cheuh a herh caan ah ka cheuh hna. Anmah tluk in ralkap cozah ka doh len ve ko. Ralkap nih kan tlaih hna sehlaw anmah nikhat thong an tlak lio ah kei cu kum 1 thong a tla ding dirhmun khi ka si.

An khuakhan mi sullam um deuh lo tiah ka ruahmi a um caan ah cun hmai zoh lo tein ka sawh piak tawn ko hna, ka soisel tawn ko hna. Mah ti zalawng tein i sawh piak lawng ah ‘check and balance’ a um lai i organization ningcang tein hruai khawh a si lai.

Mah ti zalawng tein chimtel khawhnak ‘free speech’ hi democracy a muru bik cu a si. Cu a rem lomi cu dictator(aana-sin) kan ti hna. Ka catialmi ruang ah a hlan tein aka hua tawntu Hakha lamzawh hruaitu cheukhat nih tuni kha tlerh le thihphaih in warning an ka pek.

‘Ziah free speech caah dothlennak a tuah cuahmahmi nih ralkap bantuk in minung pakhat menmen thihphaih le tlerh len ko cu’ ka ti i ka lungtha pah lo. Hakha nih puitling deuhmi hruaitu kan herh hringhran timi ruahnak aka ngeihter.

Khah, kan ral taktak a simi ralkap dohnak tu ah thazaang chuah chin ko u sih. Keimah luala thihphaihnak ah nan caan nan pekmi cu a paam tuk. Mipi lei in lungtlin lonak an chimmi zong emotional thin hunnak i lak in ral ah ser colh loin ‘check and balance’ tuahnak tu ah hman khawh i zuam hram u, kan ral taktak ahodah si timi philh hlah u sih. Credit: Salai Lungthli Tum