Tawngdwingyi (ေတာင္တြင္းႀကီး) ah ralbawi pakhat chungkhar dawr an tuah mi store ah bomb voihnih a puak Tawngdwingyi (ေတာင္တြင္းႀကီး),Ungtaw(အုန္းေတာ) no.1 sang,lampi lam cung ah ralbawi chungkhar nih tuah mi Takhun Store ah nihin zinglei suimilam 4:30 hrawng ah bomb voihnih pehtlai in a puak tiah theih a si.
“Bomb puah thawng cu voihnih theih a si,a tuan tuk rih caah dawr on hlan a si,dawr hmai ah a puah hi a si, thlalang an kuat, inn vampang tlakrawh zong an kak dih” tiah theih a si.
Bomb puah kong he pehtlai in Bitanoe (ဗိႆနိုး) hmunhma mipi vengtu phu hna nih tuahmi a si nak kong le, nihin zinglei ah ralhrang phu hna nih lam a chawk mi hna cu an tuk velh hna tiah khuami hna sin in theih a si.
Min langhter lo mi pakhat nih “ralhrang phu hna cu an thilthuam le,mipi thuamsawh hruk in lamkam ,dawrkam pawng ah a umkal mi hna cu tuk velh in an tlaih hna cu ka hmuh.Lakphakti dawr ah tthu mi hna cu tlaih in an cycle zong an lak piak hna” tiah a chim.
Cun ralhrang phu hna nih khuachung meitung ah PDF phu hna nan hriam chia in chuak uh tiah ca tar an benh.#DVB; TCP
Leave a Reply