Ralbawi 2 An Thah Mi Hna Kongah AA Ralkap An Puh Hna

ALP Ralbawi Zik Le Ralbawi Pahnih Kahthahnak Kong Ah AA Nih An Tuahmi A Si Tiin ALP Nih Sual An Phawt Hna
===================
ALA/ALP ralbawi zik ralbawi pahnih kahthahnak kong ah AA nih an kah thahmi hna a si tiin ALP nih an kan puhmi hi cu hram a fek lomi sualpuhnak a si, tiah AA in chimphuannak nawlngeitu Khine Tuh Khah nih a chim.

January 4 ah ALP ralbawi zik Khine Soe Mya, Lieutenant Colonel Khine Kyaw Soe le Captain Khine Thuri Na cu Sittwe khua chungah kah thah an tong i cu kong he pehtlai in tluk ruang tein thil kan ngiathlai lai i kan tuah lai, tiah ALP nih AA cu cathanh an chuahhnawh hna.

Hram fekmi um loin AA an kan puhmi hi cu min lawng aa thlaih i zeithil hmanh a tuah kho lomi ALP min than an duh ruangah a si kho. Cu pinah a dang hriamtlai bu nih buaibainak ser duh ah an thahmi hna zong a si kho, tiah AA in chimphuannak nawlngeitu nih cun a chim.

“Naypyidaw meeting va kai ding zong ALP chungin an i cuh hna pinah anmah chung lila in nawlngeihnak le tangka kongah i alnak a tam ngaingai,” tiah a chim chap.

ALP nih cathanh an chuah mi ah ALP ralbawi zik le ralbawi pahnih kahthahnak hi Arakan (Rakhine) rammi lungrualnak a hnorsuan pinah Arakan rammi hna thir le phang in an um caah mithah lainawnnak an tuahmi hi fak piin kan doh, tiah cathanh an chuah.

 

Be the first to comment

Leave a Reply

Your email address will not be published.


*