Ral Kan Tlaih Mi Hna Hi Hrem Le Thah Kong Cu Chin Len A Hau Lo, Raltu Mi Kan Ralkap Nih An Theih Ko

Ral Kan Tlaih Mi Hna Hi Hrem Le Thah Kong Cu Chin Len A Hau Lo, Raltu Mi Kan Ralkap Nih An Theih Ko

Ral kan tlaih tikah RAL A TUMI kan ralkap tu nih Phung Ning tein tuanvo an lak ko lai

A herh lo tuk ah tlaih cangmi cu HREM le THAH ding bantuk bia cu Kanmah Khrihfa hrim hrim nih i sum ko Usih. Kan Lai ralkap pawl WAR CRIME nan forh hna ahcun UN biaceih hmai lawng silo in kan biakmi Pathian hmai zongah kan dir hau te lai kha philh hlah usih

relchap>>>>>>I Ralrin Thiam Kan Herh Ko Cang
Ralhrang camp, outpost le battlefield ah an sungh paoh ah kan ralkap an ti khawh hna lo lungin khuachung an bomb hlah zungzal cu a luancia caan chungah kan hmuh. Hi nihhin thilthar le lungfim a kan chimh hrimhrim awk asi culo ahcun kan thituk sual lai caah khuabawitlang le kan ralkap pawl zong nih mipi nan cawnpiak hna a herh ngai cang rua ka ti.

Kalay in a rak kaimi ralhrang pawl an cawl khawh ti lo tikah Khuafo ah bomb a thlak, Kalay ah ralhrang an cawl khawh ti li caah Tuingo khuachung ah bomb a thlak, Var camp an lak ruangah Webulah khua ah bomb a thlak, adang an tampi rih. Hi nih a fiantermi cu ralhrang camp lak nan i timh asiloah fakngaiin ambush nan i timh tikah khuachung ah bomb a thlak tengteng hoi lai caah a tlawmbik suimilam 5 chung cu Chin State khuami paoh khur chungah rak luhter viar ahhin kan him bik lai dah.

 

Keimah pumpak zumh ning ahcun Chin State i ralhrang camp paoh khi mipi ralkap nih an kah tikah, cuka camp an kah ahcun cuka khua cu bomb kan thlak te lai tiin target felfai tein map he ralhrang nihhin an rak i ngeih diam cang lai dah. Khaukhihmi khua asiloah an kahnak camp he ai naih bikmi kha target ah felfai tein an rak i ngeih diam cang lai ka zumh. Hi bantuk mipi hmunhma bomb athlak tawn cu kan tih hna sehlaw kan camp hi la ngam ti hna hlahseh tiin sual celhlo tuk bia rumro khi asi ko. Asinain a fiang bakmi pakhat cu vanlawng in bomb thlak ti lo cu tuahkhawhmi dang a ngei ti lo caah asi. Ralhrang thazaang hi ground ahcun a der tuk cang.

Thihphaih le thiamhlei kai cuh a si hrimhrim lo, ralrin tluk in thiltha a um lo. Kan himnak ding asi ahcun zeipaoh tuah ko hna usih! Ralhrang nihhin a sungh paoh ah khuachung bomb thlak ti lo cu zeidah thiammi dang a ngeihti mu. Kan tei cuahmah ko cang kan lungbel dongh hrimhrim hlah seh.