Rakhine Ramkulh Ralzam Dirhmun Hi Zangfah Tuk An Si Cang

Rakhine ramkulh ralzam dirhmun hi a fak ngaingai cang. Rakhine ramkulh cu kum 2017 hrawng khan AA hriamtlai biatak tein an lut i Kawl cozah ralkap he an i phomh.

Rakhine ramkulh myone 6 ah fak taktak in an i phomh i minung tampi an nunnak a liam pinah minung tampi hliam an tuar tiah theih a si.

Rakhine ramkulh ahhin ralruang ah minung thong 80 reng lo ralzam an um cang. Ralzam tampi cu umnak ngei loin inn leng le inn tual ah plastic an i zar i cuticun khua an sa cang hna.

Rakhine ramkulh hi raltuknak daih lei panh loin a zual chin lengmang. Kahnak a fak chin lengmang. Tuzarh chung zong kahnak a fak taktak. Myone 5 ah kahnak fak taktak in a chuak. Khuate tampi ahcun Kawl ralkap nih an curfew i zan chawh an kham pinah lengchuah an kham hna. A poi taktak khi a si. A tu ning tein AA le Kawl ralkap kahnak hi a zual peng ko ahcun Rakhine ramkulh hi sifak taktak mi ramkulh ah a cang te lai. Kum 2020 Kawlram thimnak zong an tuah kho te lai lo.

 

146 total views, 1 views today