Rakhine Ramkulh Ah COVID-19 Mizaw An Karh Ning A Rangtuk, Ninga Chung Ah Mizaw 45 An Hmuh Hna

Rakhine Ramkulh Ah COVID-19 Mizaw An Karh Ning A Rangtuk, Ninga Chung Ah Mizaw 45 An Hmuh Hna

Tulio pulrai zawtnak tinung taktak a si mi le vawlei cung dihlak ti awk in a karh cuahmah mi Coronavirus cu Kawlram chung Rakhine Ramkulh zong ah fak ngai in a phan cuahmah ve cang. Thawngzamh nih an langhter ning ah cun ninga chung ah Covid-19 mizaw hi Rakhine ramkulh chung lawng bakah minung 45 an hmuh hna ti a si.

Rakhine ramkulh ah Covid-19 mizaw 45 cu ninga chung ah hmuh asi. Rakhine ramkulh chung ah August 16 in 21 tiang ah Covid-19 mizaw 45 tiang hun hmuh asi. Ramchung zawnak aa chawn mi a tam ngai nak Sittwe khua ah August 21 in October 21 tiang Curfew nawl zong chuah asi.

Rakhine ramkulh chung ah kilven awk a har mi Covid-19 second wave a chuah kho mi asi tiah MoHS nih a luan cia mi ni ah khan ralrinnak thawng a thanh. Myanmar ram ah kha hlan nak in let hra rang deuh in aa chawn kho mi Coronavirus thar hmuh asi tiah Department of Medical Research Director Professor Dr. Zaw Than Tun nih August 20 ah khan chimphuannak a tuah tiah Myanmar now cherhchan in theih asi.

Cu ruang ah Chin ramchung um mi hna le Chin mi hna zong nih cu hlan nak hmanh in ralrin deuh ka herh rih ko. Hi pulrai zawtnak in kan luat khawh nak hnga le kan him khawh nak hnga ding ah pumpak cio zong nih ralrin zia thiam hna usihlaw uktu le nawl ngeitu hna nih zulhphung an kan chiah piak mi zong zulh khawh cio I zuam hna usih.

Source: CCN

 164 total views,  1 views today

This function has been disabled for Chin 11 News.