R.I.P: US Khuasa Pu Kep Ling Nih Mual An Kan Liamtak

A poi tuk hringhran ko e. Chungkhar sahlawh pawl Bawipa tunih hnem ko hna seh mu. Hi bantuk in thih nak thawngpang an theih tikah hin cun kan ngaih a rak chia cio. Kan um nak hmun cio in kaltak mi chungkhar hna caah thlaza kan cam piak cio hna.

“πŸ˜”πŸ˜­πŸ˜’Kan u Kep ( Kep Ling) Indianapolis khuasa, Laitlang a khua Melsawm, Zokhua peng nih Nihin 1 pm ah , a kan liam tak. Tantak mi chungkhar cingla rual chan, pengkhat le khuakhat hoikom vialte Pathain nih nan ngeih chiatnak in hnem cio ko hna seh” tiin Henry Henry nih cun a rak tial.

Cun CCNC nih an rak tial rih mi cu ” Thih dar! CBCUSA ram chung ah kan i bochan i kapa pakhat asi mi Pu Kep Ling Khengmual (kum 62) nih takpum damlonak in nihin (May 26, 2020, chun) ah mual a kan liamtak tiah a khrihfabu sin in thawng kan theih.

Anih hi US ram Indianapolis ah chungkhar he khusa lio an si i CBCUSA ngunkeng rian zong caan saupi a tuan bal lawng silo in a Khrihfabu Indiana Chin Baptist Church (ICBC) zong ah Church Chairman zong a rak tual bal i miphun nih kan i pochan mi kan pa si.

Chungkhar le Khrihfabu hna CCN nih kan in tuarpi ve hna. 😒”

Lai mi nih kan tonmi ngaichiat nak le thih lo nak hna hi ruah tikah lungthin a fak hrim ko. Kan thih hmanh ah kan ruak te hmanh hi hmuh khawh loin a langtlang in mitthli he then zai kan rel hi cu ngaih a chia hrim ko mu. Mui hmuh khawh loin u le nau, nu le pa chungkhar ai then mi kan tam ko cang mu.

 269 total views,  1 views today

This function has been disabled for Chin 11 News.