R.I.P: Mizoram Ah Doctor Pakhat Cu Covid-19 In A Nunnak A Liam

Doctor John L Sailo hi Bethany Hospital a ngeitu a si i a mah a umnak hi Shillong khua ah a ummi a si. A pa min cu Captain Lalrinthanga Sailo a si i anu cu Diki Sailao a si.

Dr. John L Sailo cu kum (69) a si i tuzaing April thla ni 15 zing suimilaam 2 le a cheu ah khan Shillong, Maghalaya ah a thi. Covid-19 zawtnak a ngeih ti an theih hi April thla ni (13) ah khan a si.

Shillong lei in thanwgpang theih ning ah cun Dr. John L Sailo hi zunthlum (Diabetes) a ngei ciami a si i aa thlop cuahmah liopi a si. Covid-19 a neih hnu in a dirhmun cu a zual ngai tiin theih a si. Doctor John L Sailo a thihnak siizung hi amah nih a dirh mi zong a si hi nizan ah cun amah pumpak dirh mi siizung ah a nunnak a liam hi a si.

Hi tluk in bochan mi siibawi tha pakhat nih thihnak hi cu ngaih a chia tuk hringhran. Shillong Senior Journalist Patricia Mukhim nih an tial ning ah cun, “Mipi caah bochan tlak siibawi tha le mizaw tampi a damter ho mi siibawi tha, hi vawlei cung in ka kal tak ko hmanh law zungzal a hmun mi ramnuam ah daihnak he I din ko kun law” tiah an ngaihchiat nak an langhter ve. Tantakmi chungkhar Pathinnih umpiin hnem ko han seh.

Source; Mizo World News

 185 total views,  1 views today

This function has been disabled for Chin 11 News.